پاکستان کے نامور اداکار منیب بٹ نے کہا کہ وزیر اعظم کے اقدامات اس بات کا ثبوت ہیں کہ کراچی یتیم نہیں ہے۔

تفصیلات کے مطابق اداکار منیب بٹ نے کراچی پیکج پر وفاق اور سندھ حکومت کے اشتراک پر کہا کہ عمران خان کا شکریہ کہ جنہوں نے کراچی کے لیے ایک تاریخی پیکج کا اعلان کیا ہے۔

اداکارمنیب بٹ نے اپنے سوشل میڈیا پیغام میں لکھا کہ آپ نے کراچی کے لیے ایسے پیکج کا اعلان کر کے ثابت کیا کہ کراچی یتیم نہیں ہے۔

https://twitter.com/muneeb_butt9/status/1302285113816944640

منیب بٹ نے اپنے خیالات کا اظہار کرتے ہوئے لکھا کہ اس پیکج پر جلد از جلد عملدرآمد کو ممکن بنایا جانا چاہیے۔

دوسری جانب اداکار فیروز خان نے بھی وزیر اعظم عمران خان کی تعریف میں ایک پیغام شیئر کیا۔

https://twitter.com/ferozekhaan/status/1302529033079586817

اداکار فیروز خان نے عمران خان کا شکریہ ادا کرتے ہوئے لکھا کہ آپ ایک سچے انسان ہیں۔

یاد رہے کہ عمران خان نے کراچی کے لیے 11 سو ارب روپے کے پیکیج کا اعلان کرتے ہوئے کہا کہ کراچی کے مسائل مستقل بنیادوں پر حل کریں گے، سیوریج سسٹم مکمل طورپر ٹھیک کیا جائے گا، سرکلرریلوے بحال کی جائیگی، سالڈ ویسٹ منیجمنٹ کا مسئلہ بھی حل کریں گے۔

واضح رہے کہ گزشتہ روز عمران خان وزیر اطلاعات سینیٹر شبلی فراز اور ممبر قومی اسمبلی عامر محمود کیانی کے ہمراہ اسلام آباد سے کراچی پہنچے ہیں۔