ڈاکٹر ماہا خودکشی کیس ، تفتیشی افسر میرپور خاص پہنچ گیا

ثمرا مظہر

14th Sep, 2020. 03:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈاکٹر ماہا خودکشی کیس ، تفتیشی افسر میرپور خاص پہنچ گیا

ڈاکٹر ماہا خودکشی کیس میں قبر کشائی کا عدالتی حکم نامہ لے کر تفتیشی افسر میرپور خاص پہنچ گیا ہے ۔
تفتیشی حکام کے مطابق ماہا شاہ ہلاکت کیس کاتفتیشی افسر سیشن جج جنوبی کا قبرکشائی کا آرڈر لے کر میرپورخاص پہنچ گیا ہے، قبرکشائی کے لئے سیشن جج کا حکمنامہ جوڈیشل مجسٹریٹ میرپورخاص کو دیا جائے گا ۔
؎جوڈیشل مجسٹریٹ میرپورخاص کےفیصلے پر میڈیکل ٹیم تشکیل دی جائیگی۔
تفتیشی حکام کے مطابق جامشورو سے ہی ڈاکٹرزکی ٹیم بنے گی اور امید ہے کہ آج میڈیکل ٹیم کا حکم جاری ہوجائے گا۔
دوسری جانب تفتیشی حکام کا کہنا ہے کہ مرکزی ملزمان جنید اوروقاص کی ضمانت منسوخی کی درخواست دی جائیگی کیونکہ دونوں ملزمان تفتیشی افسرسے تعاون نہیں کر رہے ہیں۔

خیال رہے کہ چند روز قبل کراچی میں جوڈیشل مجسٹریٹ جنوبی کی عدالت نے ڈاکٹر ماہاشاہ کی قبر کشائی اور پوسٹ مارٹم سے متعلق درخواست منظور کی تھی ۔
عدالت نے ڈاکٹرماہاعلی شاہ کی قبر کشائی اور پوسٹ مار ٹم سے متعلق درخواست پر تحریری فیصلہ جاری کیا ہے جس میں کہا ہے کہ عدالت کو قبر کشائی پر کوئی اعتراض نہیں ہے۔
عدالت کا اپنے تحریری حکم میں کہنا تھا کہ استغاثہ قانون کے مطابق کارروائی کرے، عدالت انویسٹی گیشن میں مداخلت نہیں کر سکتی۔
ڈاکٹرماہا کی قبرکشائی کی درخواست تفتیشی افسرسب انسپکٹر شرافت علی کی جانب سے دائرکی گئی تھی ۔