پاکستانی گلوکار عاصم اظہر کی جانب سے میوزک کے بے تاج بادشاہ معروف کے پوپ بینڈ ‘ بی ٹی ایس’ کے ساتھ کام کرنے کی خواہش کا اظہار کردیاگیا۔

گزشتہ دنوں بی ٹی ایس بینڈ کا نیا گانا ڈائنامیٹ شہرت کا نیا ریکارڈ بنا گیا  جس کے بعد سوشل میڈیا صارفین کی جانب سے اس ٹریک کے ساتھ مختلف گانوں کے مکسڈ ورژن بنا کر ویڈیوز شیئر کی گئیں۔

ایک ایسی ہی ویڈیو پاکستانی گلوکارعاصم اظہر کے گانے سونیا پر بنائی گئی ہے جس پر گلوکار نے اپنے خیالات کا اظہار کیا اور اس ویڈیو کو خوب  سراہا۔

عاصم اظہر نے ٹوئٹر پر ٹوئٹ میں کہا کہ میں بی ٹی ایس کے ساتھ اشتراک کرنے والا پہلا پاکستانی فنکار بننا پسند کروں گا۔

https://twitter.com/AsimAzharr/status/1303079691042119681?s=20

انہوں نے کہا کہ بین الثقافتی چیزیں ہمیشہ خوبصورت ہوتی ہیں اور کورئین بینڈ اسی کی ایک مثال ہے۔

عاصم اظہر نے اپنے گانے سونیا اور بی ٹی ایس کی ویڈیو کے ایڈیٹڈ ورژن کی تعریف بھی کی۔۔

عاصم اظہر کے اس ٹوئٹ پر لوگوں کی جانب سے ملے جلے ردعمل کا اظہار کیا گیا۔ ایک سوشل میڈیا صارف کا کہناتھا کہ وہ اتنے بھی مشہور نہیں کہ بی ٹی ایس کے ساتھ کام کرنے کا سوچیں۔

اس موقع پر پاکستان کی معروف گلوکارہ حدیقہ کیانی نے عاصم اظہر کا ساتھ دیتے ہوئے لکھا کہ وہ ان کی مکمل حمایت کرتی ہیں۔

https://twitter.com/Hadiqa_Kiani/status/1303678434074337282?s=20