عتیقہ اوڈھو نے اٹھا د یا نعمان اعجاز کے اہم رازوں سے پردہ

شبین رضا

10th Sep, 2020. 12:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عتیقہ اوڈھو نے اٹھا د یا نعمان اعجاز کے اہم رازوں سے پردہ

پاکستان شو بز انڈسٹری کی خوبرو اداکارہ عتیقہ اوڈھو اپنے دوست نعمان اعجاز کا ساتھ دینے کےلئے میدان میں آگئی ہیں۔

تفصیلات کے مطابق سماجی را بطے کی ویب سائٹ انسٹاگرام پر عتیقہ اوڈھو نے نعمان اعجاز کے ہمراہ اپنی ایک تصویر پوسٹ کی اور کیپشن میں اداکار کے لیے ایک پیغام لکھا ، جس میں انھوں نے کہا ہے کہ میرے پیارے دوست تم میں لوگوں کی توجہ حاصل کرنے کی ایک بہترین صلاحیت موجود ہے، تُم نے جو باتیں مذاق میں بولی تھیں لوگوں نے اُن تمام باتوں کو اس قدر سنجیدگی سے لیا ہے کہ اب تُم موضوع بحث بن گئے ہو اور واقعی لوگوں کی توجہ حاصل کرنے کا یہ ایک بہترین طریقہ ہے۔

انھوں نے اپنی پو سٹ میں نعمان اعجاز کی اہلیہ رابعہ کا ذکر کرتے ہوئے مزید بتا یا کہ میں رابعہ کو داد دیتی ہوں کہ جو یہ سب دیکھنے کے بعد خوب ہنسیں اور مذاق کو مذاق میں ہی لیا۔

واضح رہے کہ آج کل سوشل میڈیا پرٹی وی کے مقبول اداکار نعمان اعجاز کا ایک برس پُرانا ویڈیو کِلپ وائرل ہو رہا ہے جو عفت عُمر کے ایک ویب شو کا حصّہ ہے اور نعمان اعجاز نے بطور مہمان اُس شو میں شرکت کی تھی۔

وائرل ویڈیو کِلپ میں دیکھا جاسکتا ہے کہ نعمان اعجازنے دوران انٹرویو اس بات کا انکشاف کیا تھا کہ وہ کئی بار اپنی اہلیہ سے بےوفائی کرچُکے ہیں۔