ایڈمنسٹریٹر کراچی افتخار علی شالوانی نے کہا ہے کہ کراچی کی بہتری اور ترقی کے لئے کے ایم سی اپنا بھرپور کردار ادا کرے گی۔

تفصیلات کے مطابق افتخارعلی شالوانی نے ایڈمنسٹریٹر کراچی کی حیثیت سے عہدے کا چارج سنبھالنے کے بعد ایم سی کے کے دفتر سمیت مختلف محکموں کا دورہ کیا ، دورے کے دوران افتخارعلی شالوانی انے افسران اور ملازمین سے ملاقات کی جبکہ کے ایم سی کے محکمہ جاتی سربراہان سے بھی ملاقات کی۔

ایڈمنسٹریٹر کراچی نے کہا کہ مرکزی دفتر میں صفائی ستھرائی کا خاص خیال رکھا جائے جبکہ کے ایم سی کے ٹاور کلاک کو فوری پر درست کیا جائے۔

افتخارعلی شالوانی نے یہ بھی کہا کہ فرائض کی ادائیگی میں کوئی کوتاہی نہ برتی جائے اور وقت مقررہ پر کام کو پورا کیا جائے جبکہ افسران کام کی اہمیت کو سمجھیں اور اپنی تمام تر توانائیاں بھرپور طریقے سے مفاد عامہ کے کاموں میں صرف کریں۔

ایڈمنسٹریٹر کراچی افتخارعلی شالوانی نے مزید کہا کہ کے ایم سی کے ذرائع آمدنی کو بہتر کرنے کیلئے ریونیو سے متعلق تمام محکمے اہداف کو وقت مقررہ کے اندر مکمل کریں۔

مزید پڑھیں

ایم کیو یم پاکستان کا کراچی میں مقامی ایڈمنسٹریٹر لگانے کا مطالبہ

ایم کیو ایم پاکستان کی جانب سے کر اچی میں مقامی ایڈمنسٹریٹر...

واضح رہے اس سے قبل 5 ستمبر کو سندھ حکومت نے افتخار شلوانی کا کمشنر کراچی کے عہدے سے تبادلہ کر کے ایڈمنسٹریٹر تعینات کرنے کا فیصلہ کیا تھا۔ 8 ستمبر کو وزیراعلیٰ سندھ مراد علی شاہ کی منظوری کے بعد چیف سیکرٹری ممتاز علی شاہ نے نوٹی فکیشن جاری کیا تھا۔