مسلم لیگ نون پنجاب کے صدر رانا ثناء اللہ کا کہنا ہے کہ طلال چوہدری کے معاملے پر ہماری کمیٹی معاملے کی شفاف تحقیقات کرکے ایک دو روز میں عوام کو حقائق بتائےگی۔
لاہور ہائیکورٹ کے باہر میڈیا سے گفتگو کرتے ہوئے رانا ثناء اللہ نے کہا کہ طلال چوہدری کے معاملے میں حکومت کا رویہ باعث شرم ہے، طلال کے معاملے میں کارروائی کرنا پڑی تو ضرور کریں گے۔
انہوں نے کہا کہ طلال چوہدری کے معاملے پر حکومت پوائنٹ اسکورنگ کررہی ہے، عوام کو جلد حقائق سے آگاہ کیا جائے گا۔
شہباز شریف کی عبوری ضمانت کے کیس سے متعلق بات کرتے ہوئے رانا ثنا نے کہا کہ شہباز شریف کیخلاف کیس میں بے بنیاد الزامات ہیں، کیس کی کوئی حقیقت نہیں، یہ صرف ایک سیاسی انتقام ہے۔
رانا ثناء نے بتایا کہ لندن میں نوازشریف کی رہائشگاہ کے باہر پی ٹی آئی نے مظاہرہ کروایا،پہلے بھی پی ٹی آئی کی طرف سے اس قسم کی گھٹیا حرکات کی جاتی رہی ہیں۔
رانا ثنا نے کہا کہ ریفرنس دائر ہوچکا تو شہباز شریف کو گرفتار کرنا سیاسی مقصد ہی ہوسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News