سندھ ہائی کورٹ کی جانب سےدہری شہریت کے حامل پاکستانیوں کو انتخابات لڑنے کی اجازت کے خلاف درخواست مسترد کردی گئی۔
تفصیلات کے مطابق دہری شہریت کے حامل سیاستدانوں کو سینیٹ انتخابات لڑنے کی اجازت دینے کے خلاف درخواست کی سماعت سندھ ہائی کورٹ کے جسٹس محمد علی مظہر نے کی۔
کمرہ عدالت میں درخواست گزار نے مؤقف اختیار کیا کہ کابینہ نے دہری شہریت رکھنے والوں کو سینیٹ انتخابات لڑنے کی اجازت دے دی ہے۔ جب کہ آئین دہری شہریت رکھنے والوں کو الیکشن لڑنے کی اجازت نہیں دیتا۔
درخواست گزار نے استدعا کی کہ دہری شہریت کے حامل سیاستدانوں کو انتخابات لڑنے سے روکا جائے۔
جسٹس محمد علی مظہر نے اپنے ریماکس میں کہا کہ جب کوئی چیز قانون میں شامل ہی نہیں تو عدالت کس قانون کے تحت روک سکتی ہے۔ جب قانون بن جائے تو اس کے خلاف عدالت سے رجوع کر سکتے ہیں۔
Advertisement
سندھ ہائی کورٹ نے درخواست گزار کی درخواست مسترد کردی۔
رواں ماہ وفاقی حکومت نے دہری شہریت کے حامل پاکستانیوں کو الیکشن لڑنے کی اجازت دینے کا فیصلہ کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
