آزاد جموں وکشمیر کے صدر سردار محمد مسعود خان نے کہا ہے کہ اقوام متحدہ بھارت کے انسانیت سوز مظالم اور آزاد کشمیر کی پرامن شہری آبادی کو جارحیت کا نشانہ بنانے جیسے گھناؤنے جرائم کا نوٹس لے۔

تفصیلات کے مطابق آزاد جموں وکشمیر کے صدر سردار محمد مسعود خان نے لائن آف کنٹرول کے درہ شیر خان، تتہ پانی اور چکوٹھی سیکٹروں میں بھارتی فوج کی بلا اشتعال کے نتیجے میں ایک نو عمر بچی کی شہادت جبکہ ایک بزرگ خاتون  سمیت دو افراد کے ذخمی ہونے اور شہری املاک کو نشانہ بنانے کی شدید الفاظ میں مذمت کرتے ہوئے اسے بھارتی فوج کی بزدلانہ کارروائی قرار دیا ہے

ایک بیان میں صدرآزاد کشمیر نے کہا کہ بھارتی فوج جان بوجھ کر سیز فائر معائدے کی خلاف ورزی کرتے ہوئے غیر مسلح اور نہتے شہریوں خاص طور پرعورتوں اور بچوں کو اپنی جارحیت کا نشانہ بنا کر بین الاقوامی قوانین کی خلاف ورزی کر رہی ہے۔

مسعود خان نے یہ بھی کہا کہ بھارت کے ان منفی ہتھکنڈوں سے مقبوضہ جموں و کشمیر کے عوام کو جدوجہد آزادی سے روکا جا سکتا ہے اور نہ ہی دنیا کو دھوکا دیا جا سکتا ہے۔

آزاد جموں وکشمیر کے صدر کا کہنا تھا کہ بھارت کی 9 لاکھ فوج مقبوضہ جموں وکشمیر میں انسانی حقوق کی بد ترین خلاف ورزیوں، بے گناہ انسانوں کے قتل عام اور انسانیت کے خلاف جنگی جرائم میں ملوث ہے۔

محمد مسعود خان کا یہ بھی کہنا تھا کہ آزاد جموں وکشمیر کے صدر سردار محمد مسعود خان بھارت اپنے ان جرائم پر پردہ ڈالنے اور مقبوضہ ریاست کی مجموعی صورت حال سے دنیا کی توجہ ہٹانے کے لئے قابض فوج تسلسل کے ساتھ لائن آف کنٹرول سے ملحقہ علاقوں میں آباد آزادکشمیر کے شہریوں کو  نشانہ بنا  رہی ہے۔

مزید پڑھیں

آزاد کشمیر کی جامعات طلباء کو عالمی سطح پر مقابلے کے لئے تیار  کرنا ہو گا، صدر سردار مسعود خان

آزاد جموں و کشمیر کے صدر سردار مسعود خان نے کہا ہے...

آزاد جموں وکشمیر کے صدر نے کہا کہ پاک فوج بھارتی افواج کی بزدلانہ کارروائیوں کا بھر پور جواب دے رہی ہے اور نہایت احتیاط سے دشمن کی صرف فوجی تنصیبات کو نشانہ بناتی ہے لیکن بھارتی فوج مقبوضہ کشمیر میں آبادی کے اندر اپنے توپ خانے کو منتقل کر کے شہریوں کو انسانی ڈھال کے طور پر استعمال کر رہی ہے جس کی جتنی مذمت کی جائے وہ کم ہے۔

محمد مسعود خان نے مقبوضہ جموں و کشمیر میں بھارتی قابض فوج کے ہاتھوں محاصرے اور تلاشی کے بہانے نوجوانوں کو جعلی مقابلوں میں وحشیانہ تشدد کا نشانہ بنانے کی بھی شدید مذمت کرتے ہوئے کہا کہ کشمیری نوجوانوں کی لازوال اور بے مثال قربانیوں پر ہم انہیں خراج تحسین پیش کرتے ہیں اور اس امید کا اظہار کرتے ہیں کہ وہجس عظیم مقصد کے لئے قربانیاں پیش کر رہے ہیں وہ مقصد ضرور حاصل ہوگا۔

اپنے بیان میں آزاد جموں وکشمیر کے صدر سردار محمد مسعود خان نے اقوام متحدہ سمیت عالمی برادری سے اپیل کی کہ وہ بھارت کے انسانیت سوز مظالم، انسانی حقوق کی بدترین پامالی اور آزاد کشمیر کی پرامن شہری آبادی کو جارحیت کا نشانہ بنانے جیسے گھناؤنے جرائم کا نوٹس لے۔