امریکی حکومت نے ایک بار پھر ’وی چیٹ‘ اور’ٹک ٹاک‘ کو سلسلہ وار بند کرنے کا اعلان کردیا ہے۔

 عالمی خبر رساں ادارے کی رپورٹ کے مطابق کامرس سیکریٹری ولبرس روز نے  نیوز چینل سے بات کرتے ہوئے تصدیق کی کہ امریکی حکومت نے صدر کی ہدایات کے بعد دونوں چینی ایپس پر پابندی لگانے کا فیصلہ کیا گیا ہے۔

کامرس سیکریٹری کے مطابق 18 ستمبر کو ایک خصوصی نوٹی فکیشن جاری کیا جائے گا، جس میں واضح کیا جائے گا کہ 20 ستمبر سے امریکا بھر میں وی چیٹ پر پابندی ہوگی اور اسے کوئی ڈاؤن لوڈ بھی نہیں کر سکے گا۔

کامرس سیکریٹری نے واضح کیا کہ امریکی حکومت صدر کے احکامات کے تناظر میں قومی سلامتی کے تحفظ کے لیے تمام اقدامات اٹھا رہی ہے۔

رپورٹ کے مطابق امریکی حکومت نے وی چیٹ کو 20 ستمبر سے جبکہ ٹک ٹاک کو 12 نومبر سے بند کرنے کا اعلان کیا۔

امریکی حکام کے مطابق ٹک ٹاک کو 12 نومبر تک انٹرنیٹ کے حفاظتی انتظامات کے ساتھ استعمال کیا جا سکتا ہے، تاہم مقررہ مدت کے بعد اس پر پابندی لگائی جائے گی۔

دوسری  جانب  امریکی حکومت کے اعلان پر ٹک ٹاک یا چینی حکومت نےبھی کوئی رد عمل نہیں دیا ہے ۔

خیال کیا جا رہا ہے کہ ٹک ٹاک 12 نومبر سے قبل ہی اوریکل کے ساتھ ایک وسیع معاہدہ کرنے میں کامیاب جائے گی۔