بلوچستان کی ترقی وفاقی حکومت کی اولین ترجیحات میں شامل ہے، وزیراعظم

وریشہ مسعود

25th Sep, 2020. 05:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان کی ترقی وفاقی حکومت کی اولین ترجیحات میں شامل ہے، وزیراعظم

وزیراعظم عمران خان نے کہا ہے کہ بلوچستان کی سماجی و اقتصادی ترقی وفاقی حکومت کی اولین ترجیحات میں شامل ہے۔

تفصیلات کے مطابق وزیراعظم عمران خان سے وزیر تعلیم بلوچستان سردار یار محمد رند کی ملاقات ہوئی ہے۔

ملاقات میں صوبہ بلوچستان کی مجموعی صورتحال، سیلاب سے متاثرہ علاقوں کی صورتحال پر بات چیت کی گئی جبکہ نصیر آباد میں بحالی کے اقدامات، میگا ترقیاتی منصوبوں، سکلیجی ڈیم پر پیشرفت اور پارٹی امور پر بھی گفتگو کی گئی ہے۔

وزیر تعلیم بلوچستان سردار یار محمد رند سے ملاقات میں عمران خان نے کہا کہ بلوچستان کی سماجی و اقتصادی ترقی وفاقی حکومت کی اولین ترجیحات میں شامل ہے۔

وزیراعظم عمران خان نے مزید کہا کہ بلوچستان کے پسماندہ علاقوں کی ترقی اور سیلاب سے متاثرہ علاقوں میں بحالی کے لئے ہر ممکن اقدامات اٹھائے جائیں گے۔