آذربائیجان اور آرمینیا کا عارضی جنگ بندی کا معاہدہ

ثمرا مظہر

18th Oct, 2020. 12:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آذربائیجان اور آرمینیا کا عارضی جنگ بندی کا معاہدہ

آذربائیجان اور آرمینیا نے عارضی طور پر جنگ بندی کا اعلان کردیا۔

خبررساں ایجنسی کے مطابق دونوں ممالک کے درمیان سیز فائر پر مقامی وقت کے مطابق رات 12 بجے عمل درآمد ہو گا۔ معاہدے کے تحت ناگورنو کاراباخ میں جاری کشیدگی میں کمی کی جائے گی۔

دونوں ممالک کی جانب سے جنگ بندی معاہدے کی تصدیق کر دی گئی۔ تاہم نئے معاہدے کے باوجود ناگورنو کاراباخ میں جھڑپوں کا سلسلہ جاری ہے۔

روس کے وزیرِ خارجہ نے دونوں ملکوں کے درمیان جنگ بندی کے معاملے پر آرمینیا اور آذربائیجان کے ہم منصبوں سے ٹیلی فونک رابطہ کیا ہے۔

روسی وزیرِ خارجہ کا کہنا ہےکہ دونوں وزرائے خارجہ کے درمیان تنازع کے حل کے لیے جامع مذاکرات کی اہمیت پر اتفاق ہوا ہے۔

روسی وزیرِ خارجہ کی جانب سے ٹیلی فونک گفتگو کے دوران گزشتہ ہفتے روس میں ہونے والے سیز فائر معاہدے پر عمل درآمد یقینی بنانے کا کہا گیا ہے۔