اقوام متحدہ نے کورونا وائرس کوعہد حاضر کا سب سے بڑا بحران قرار دے دیا ہے۔

تفصیلات کے مطابق برلن میں ہونے والی ورلڈ ہیلتھ سمٹ کے افتتاحی آن لائن سیشن میں عالمی ادارے کے سیکرٹری جنرل انٹونیو گوٹیرش نے کہا کہ اس وبا سے نمٹنے کی خاطر عالمی سطح پر یک جہتی کی ضرورت ہے۔

اس موقع پر جرمن صدر فرانک والٹر اشٹائن مائر نے زور دیا کہ دنیا کے تمام ممالک کو بالخصوص ویکسین کی تیاری میں خود غرضی کے بجائے متحد ہو کر کام کرنے کی ضرورت ہے۔

واضح رہے کہ گزشتہ روز شروع ہونے والی اس تین روزہ کانفرنس میں کووڈ 19 کا بحران توجہ کا حامل رہے گا۔