گورنر خیبر پختونخوا شاہ فرمان نے کہا ہے کہ حکومت پرتنقید سیاست کا حصہ ہے لیکن اب ریاست پرحملے ہورہے ہیں اور ریاست پر حملہ سیاست سے غداری ہے۔

تفصیلات کے مطابق گورنر خیبر پختونخوا شاہ فرمان نے ریگی ماڈل ٹائون میں پودا لگا کر شجر کاری مہم کا افتتاح کر دیا۔

گورنر خیبر پختونخوا نے کہا کہ صوبے کی تین کروڑ 55 لاکھ آبادی ہے، ہماری زمین 20سے 22مختلف اقسام کے پھل دے سکتی ہے جبکہ ہرشخص ایک پھل کا پودا لگائے تو یہاں پھل مفت ملیں گے۔

شاہ فرمان نے یہ بھی کہا کہ اپوزیشن دشمن ممالک کا بیانیہ کہہ رہی ہےجبکہ ہارنے والے ہی سڑکوں پر جاتے ہیں حکومت نہیں۔

گورنر خیبر پختونخوا کا کہنا تھا کہ جب پارٹی بنائی تو پانچ دس بندے تھے، ابتداء میں مسائل کے حل پرعمران کہتےتھےحکومت آئی تومسائل حل کریں گے۔

شاہ فرمان کا یہ بھی کہنا تھا کہ 2015 میں زیتون کا پائلٹ پراجیکٹ شروع کیا، صوبے میں دو کروڑ زیرون کے پودے لگا کر اسے ڈویلپمنٹ کیا جا سکتا ہے جبکہ زیتون کو بلین ٹری منصوبے میں شامل کیا جائیگا۔

گورنر خیبر پختونخوا شاہ فرمان کا مزید کہنا تھا کہ اسپین کا سارا انحصار زیتون پر ہے، ہماری کوالٹی اسپین سے کئی گنا زیادہ ہے، لہذا صرف زیتون پر بھی کام کیا جائے تو صوبے میں کوئی بیروزگار نہیں رہے گا۔