پیپلزپارٹی رہنما کو قومی اسمبلی اجلاس سے باہر نکال دیا گیا

ثمرا مظہر

28th Oct, 2020. 03:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلزپارٹی رہنما کو قومی اسمبلی اجلاس سے باہر نکال دیا گیا

قومی اسمبلی کے رواں روز اجلاس کے دوران ڈپٹی اسپیکر قاسم سوری نے پاکستان پیپلزپارٹی کے رہنما آغا رفیع اللہ کو ہاوس سے باہر سے نکالنے کا حکم دے دیا۔

تفصیلات کے مطابق ڈپٹی اسپیکر قاسم سوری کا کہناہے کہ پیپلز پارٹی رہنما ہاوس کی کارروائی میں مداخلت کر رہے ہیں۔ ان کو اجلاس کے دوران اسمبلی میں داخلے کی اجازت نہ دی جائے۔

آغا رفیع کو ایوان سے باہر نکالنے پر پاکستان پیپلزپارٹی اور اپوزیشن کی دیگر جماعتوں نے احتجاج کیا ہے۔

اپوزیشن جماعتوں نے قومی اسمبلی میں پاکستان پیپلزپارٹی اور ن لیگ نے گندم کی قیمت کم مختص کرنے پر واک آؤٹ کیا ہے۔

اسمبلی اجلاس کے دوران خواجہ آصف نے اظہار خیال کرتے ہوئے کہا کہ 40ارب روپےکسان کو دیئے جائیں تو گندم کا معاملہ حل ہوجائے گا۔

انہوں نے کہا کہ ہمارا ملک زرعی ہے، لیکن زراعت کو تباہ کیا جا رہا ہے۔ گنے کی کاشت کے پیچھے گندم کو تباہ کیا جا رہا ہے۔