سعودی عرب کا ناروے کیلئے دوسری خاتون سفیر کا تقرر

ثمرا مظہر

22nd Oct, 2020. 09:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کا ناروے کیلئے دوسری خاتون سفیر کا تقرر

سعودی عرب کی جانب سے ناروے کے لیے آمال یحیی المعلمی کو سفیر مقرر کیا ہے۔ سعودی عرب کی تاریخ میں دوسری خاتون کو سفیر کے منصب پر فائز کیا گیا ہے۔

خادم حرمین شریفین شاہ سلمان بن عبدالعزیز نے ولی عہد شہزادہ محمد بن سلمان کی موجودگی میں نئی سفیر سے حلف لیا ہے۔

سعودی خبررساں ادارے کے مطابق آمال یحیی المعلمی متعدد سرکاری عہدوں پر فائز رہ چکی ہیں- گزشتہ برس انہوں نے سعودی انسانی حقوق کے ادارے میں عالمی تعاون اور تنظیموں کے ڈائریکٹر جنرل کے عہدے پر خدمات سرانجام دیں۔ اس سے قبل وہ کئی تعلیمی اور پیشہ ورانہ اداروں میں خدمات انجام دے چکی ہیں۔
آمال المعلمی اقوام متحدہ میں سعودی سفیر عبداللہ یحیی المعلمی کی بہن اور معروف سعودی ادیب اور مملکت میں امن عامہ کے معاون ڈائریکٹر یحیی المعلمی کی بیٹی ہیں۔
المعلمی نے امریکہ کی ڈینور یونیورسٹی سے عوامی رابطہ اور ابلاغ میں اعلی ڈگری حاصل کی۔ انہوں نے امیرہ نورہ یونیورسٹی سے انگلش لٹریچر میں بی اے آنرز کیا جبکہ برطانیہ کی آکسفورڈ یونیورسٹی کے ماتحت اسلامک سٹڈیز سینٹر سے فیلو شپ کیا۔

انہوں نے 20 برس قبل تعلیم و تربیت اور سماجی فلاح کے شعبے سے اپنی پیشہ ورانہ زندگی کا آغاز کیا تھا۔ پانچ برس تک استاد کے طور پر کام کیا- آٹھ برس تک تعلیمی تربیت کے فرائض انجام دیے جبکہ ایک برس تک وزارت تعلیم میں تربیتی ٹریننگ کے ادارے سے منسلک رہیں۔
المعلمی 2013 سے 2015 کے دوران شاہ عبدالعزیز قومی مکالمہ مرکز میں امور نسواں کے ادارے کی ڈائریکٹر رہیں۔
المعلمی متعدد بین الاقوامی اور قومی کانفرنسوں میں شرکت کر چکی ہیں۔