سی این جی ایسو سی ایشن اور  ایس ایس جی سی مینیجمنٹ کے درمیان اہم ملاقات ہوٸی،جس میں آنے والے موسم سرما کے دوران گیس کی کمی جبکہ اس سے پیدا ہونے والے مساٸل اور ان کے ممکنہ حل پر اظہار خیال کیا گیا۔

اس موقع پر سوٸی سدرن کی جانب سے سی این جی ایسوسیٸشن کی قیادت کے سامنے گیس شارٹیج  کے سارے مساٸل رکھے گٸے۔

ملاقات میں سی این جی ایسوسیٸشن کو بتایا گیا کے ایک طرف گیس کی پیداوار میں مسلسل کمی ہو رہی ہے جبکہ دوسری جانب گیس کی طلب بھی مسلسل بڑھ رہی ہے۔

ترجما ن کا کہنا ہے کہ آنے والی سردیوں میں گیس کی کمی 250 سے 300 ایم ایم سی ایف ڈی تک پہچنے کا امکان ہے جس سے گھریلو صارفین کو گیس پہنچانا بہت مشکل ہو جاۓ گا جبکہ کوٸٹہ میں سردیوں میں گیس لاٸیف لاٸین بن جاتی ہے۔

ترجما ن سوئی سدرن کا یہ بھی کہنا ہے کہ سی این جی ایسوسیٸشن کے نماٸندگان سے عوام کی تکالیف کو سامنے رکھتے ہوۓ  گزارش کی گٸی کہ وہ اپنے فلنگ اسٹیشنز  قدرتی گیس سے ایل این جی پر منتقل کریں۔

ملاقات میں سی این جی ایسو سی ایشن نے عوام کی بھلاٸی کی خاطر قدرتی گیس کی جگہ ایل این جی لینے پر رضامندی ظاہر کی ہے جو کہ قابل تعریف عمل ہے۔

ترجمان سوئی سدرن نے مزید کہا کہ اب سی این جی ایسوسیٸشن کو   ایل این جی فراہم کی جائے گی جبکہ ایل این جی فراہم کرنے سے سی این جی اسٹیشنز  بند بھی نہیں ہونگے اور ان کو بلا تعطیل گیس فراہم کی جائے گی۔

دوسری جانب کراچی کے مختلف علاقوں میں گیس پریشر میں کمی آئی ہے جبکہ اورنگی ٹائون بلدیہ سائٹ منگھو پیر کے مختلف علاقوں میں گیس پریشر میں کمی سے لوگ کو دشواری کا سامنا ہے۔

  ترجمان کا کہنا ہے کہ کہیں بھی گیس لوڈشیڈنگ نہیں کی جارہی جبکہ ایل این جی  گیس سسٹم میں شامل کرنے سے لاٸن پیک بہتر ہوگٸی ہے۔

ترجمان کا مزید کہنا ہے کہکے الیکٹرک کو 190 ایم ایم سی ایف ڈی گیس فراہم کررہے ہیں اگلے کچھ دنوں گیس کا پریشر میں مزید بہتری ہوگی۔