وزیراعظم عمران خان نے فیس بک سے اسلام مخالف مواد ہٹانے کا مطالبہ کردیا۔

تفصیلات کے مطابق وزیراعظم عمران خان نے فیس بک کے سی ای او کو خط لکھا جس میں وزیراعظم نے فیس بک پر اسلامو فوبک مواد کی پابندی کا مطالبہ کیا۔

اپنے پیغام میں وزیراعظم نے کہا کہ فیس بک اور دیگر سوشل میڈیا پلیٹ فارمز سے اسلاموفوبیا پھیل رہا ہے جبکہ اسلاموفوبیا سے نفرت، شدت پسندی اور تشدد بڑھ رہا ہے۔

عمران خان نے یہ بھی کہا کہ مسلمانوں کو کئی جگہوں پر عبادت کرنے کی بھی اجازت نہیں جبکہ بدقسمتی سے کچھ ممالک میں مسلمانوں کو شہریت کے حقوق حاصل نہیں، ہم مسلمانوں کے خلاف دنیا کے مختلف ممالک میں یہی صورتحال دیکھ رہے ہیں۔

وزیراعظم کا کہنا تھا کہ بھارت میں مسلمانوں کے خلاف سی اے اے اور این آر سی جیسے قوانین بنائے گئے، مسلمانوں کا قتل اور انہیں کورونا کا ذمہ دار ٹھہرانا اسلاموفوبیا کا اثر ہے

عمران خان کا یہ بھی کہنا تھا کہ فرانس میں اسلام کو دہشتگردی سے جوڑا گیا جبکہ حضورۖ کے گستاخانہ خاکوں کی فرانس میں اجازت دی گئی ، یہ اقدامات فرانس میں مسلمانوں کو مزید پسماندہ کریں گے۔

وزیراعظم نے کہا کہ وزیراعظم نے مطالبہ ہولوکاسٹ سے متعلق سوال کرنے یا تنقید کرنے پر پابندی لگانے پر آپ کو سراہتا ہوں، ہولوکاسٹ کی طرح اسلاموفوبیا پر بھی فیس بک پر پابندی کی جائے۔

عمران خان نے یہ بھی کہا کہ دنیا کو اس وقت کا انتظار نہیں کرنا چاہیے جو اس وقت مسلمانوں کے ساتھ بھارت اور مقبوضہ کشمیر میں ہورہا ہے۔

وزیراعظم عمران خان نے مزید کہا کہ نفرت آمیز پیغامات بند ہونے چاہیے،ایسے پیغامات جو دوسروں کے لیے ناقابل قبول ہیں ان پر بھی پابندی ہونی چاہیے جبکہ اسلاموفوبیا پر مکمل طور پر پابندی ہونی چاہئے کیونکہ اسلاموفوبیا بنیاد پرستی کا سبب بنے گی۔