ن لیگ اب م لیگ میں تبدیل ہوچکی ہے، فیاض چوہان

ثمرا مظہر

03rd Oct, 2020. 03:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ن لیگ اب م لیگ میں تبدیل ہوچکی ہے، فیاض چوہان

وزیر اطلاعات پنجاب فیاض الحسن چوہان نے کہا ہے کہ ن لیگ اب م لیگ میں تبدیل ہوچکی ہے، شہبازشریف ن لیگ اور م لیگ کو سمجھا سمجھا کر تنگ آچکے تھے۔

فیاض الحسن چوہان نے پریس کانفرنس کرتے ہوئے کہا کہ شہباز شریف تنگ آچکے تھے انہوں نے ن اور م کو بہت سمجھایا لیکن کوئی فائدہ نہیں ہوا۔ ن لیگ نے ش لیگ کے کہنے پر جتنا کھیلنا ہے اتنا ہی بیڑہ غرق کرنا ہے۔

انہوں نے کہا کہ نواز شریف کے ساتھ اے پی سی کے ذریعے سیاست ہوئی۔ حزب اختلاف کی اے پی سی کا مقصد بدعنوانی کے مقدمات کو بند کرنے کے لیے دباؤ ڈالنا تھا۔ آصف علی زرداری نے اے پی سی میں 2 یا 3 منٹ اپنی تقریر میں احتیاط کی جبکہ مولانا فضل الرحمان نے بھی تقریر میں مناسب بات کی لیکن تقریر کی باری نوازشریف کی آئی تو انہوں نے ملکی رازوں کو افشاں کیا۔

وزیر اطلاعات پنجاب نے کہا کہ نواز شریف نے کروزمیزائل کی بات کر کے بڑی غلطی کی ہے انہوں نے اپنے حلف کے ساتھ خیانت کی۔ ن لیگ والوں کے دل بھارت کے ساتھ دھڑکتے ہیں۔