وزیراعلیٰ پنجاب عثمان بزدار نے پچیس اکتوبر کو اورنج ٹرین کو آپریشنل کرنے کی منظوری دیدی۔

تفصیلات کے مطابق وزیراعلیٰ پنجاب عثمان بزدار نے 25 اکتوبر کو اورنج ٹرین کو آپریشنل کرنے کی اصولی منظوری دیدی۔

 اس موقع پر وزیراعلیٰ پنجاب نے اورنج ٹرین ٹریک کے نیچے بیوٹیفیکشن کا کام جلد مکمل کرنے کی بھی ہدایت کردی۔

وزیراعلیٰ پنجاب اورنج ٹرین کے حوالے سے متعدد اجلاسوں کی صدارت کرچکے ہیں جبکہ اورنج ٹرین کے اموربارے موقع پر بھی جاکربریفنگ لےچکے ہیں ۔

وزیراعلیٰ پنجاب کی زیر صدارت متعدد اجلاسوں اورتیاریوں کے بعد اورنج ٹرین کے آپریشنل امور کو حتمی شکل دی گئی جبکہ اورنج لائن میٹر و ٹرین کا کرایہ پہلے ہی پنجاب کابینہ چالیس روپے طے کرچکی ہے۔

یاد رہے اس سے قبل چئیرمین سی پیک اتھارٹی اور وزیراعظم کے معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے اورنج لائن میٹرو لاہور کے لئے 250 ملازمتوں کی تفصیلات جاری کر دیں۔

اپنے پیغام میں چیئرمین سی پیک اتھارٹی عاصم سلیم باجوہ نے مزید کہا تھا کہ اورنج لائن میٹرو لاہور کے لئے 250 ملازمتوں کی درخواستیں ویب سائٹ پر بھیجی جا سکتی ہیں۔

واضح رہے اس سے قبل پنجاب حکومت کی جانب سے اورنج لائن میٹرو ٹرین کو 28 اکتوبر سے چلائے جانے کا اعلان کردیا گیا ہے۔