عاصم باجوہ سےچین کے نئےسفیر کی ملاقات

ثمرا مظہر

07th Nov, 2020. 09:40 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عاصم باجوہ سےچین کے نئےسفیر کی ملاقات

چیئرمین پاک چائنا اکنامک کوریڈور (سی پیک) اتھارٹی عاصم سلیم باجوہ سے نئے چینی سفیر نونگ رونگ نے ملاقات کی ہے۔

تفصیلات کے مطابق چینی سفارت خانے کا کہناہے کہ عاصم سلیم باجوہ اور نونگ رونگ کی ملاقات میں دونوں ممالک کے درمیان تعلقات اور سی پیک کی تعمیر سے متعلق امور پر گفتگو ہوئی۔

اس موقع پرعاصم باجوہ نے چینی سفیر کی پاکستان میں تعیناتی کا خیرمقدم کیا اور کہا کہ پاکستان اور چین کے درمیان دوستی وقت کے ساتھ مضبوط ہورہی ہے۔

انہوں نے کہا کہ سی پیک پاکستان کی تقدیر بدلنے کے لئے اہم منصوبہ ہے، سی پیک کوحکومت اور عوام کی بھرپورحمایت حاصل ہے، سی پیک اتھارٹی راہداری منصوبے کے لئے ون اسٹاپ سروس کی فراہمی کے لئے پرعزم ہے۔

عاصم باجوہ کا کہنا تھا کہ ہم چین کے ساتھ مواصلات اور ہم آہنگی کو مزید تقویت دینے کیلئے پرعزم ہیں۔

اس موقع پرچینی سفیر کا کہناتھا کہ سی پیک کی تعمیر کے مسلسل مثبت نتائج آرہے ہیں، سی پیک منصوبہ دونوں ملکوں کے درمیان تعاون کا پائلٹ پراجیکٹ ہے۔