معروف ماڈل نے اسلام کے خاطر ماڈلنگ کی دُنیا سے کنارہ کشی اختیار کر لی۔

تفصیلات کے مطابق پاکستان فیشن انڈسٹری کی معروف ماڈل انعم ملک نے ہمیشہ کے لیے ماڈلنگ کی دُنیا سے کنارہ کشی اختیار کر لی ہے۔

مزید پڑھیں

اسلام کی خاطر شوبز چھوڑنے والی بھارتی اداکارہ کی زندگی کیسے بدلی؟

گزشتہ دنوں قبل بالی ووڈ کی معروف اداکارہ ثناء خان نے اسلام...

انعم ملک نے سماجی رابطے کی ویٹ سائٹ انسٹاگرام پر ایک اسٹوری پوسٹ کی جس میں انہوں نے بتایا کہ انہوں نے اب دینِ اسلام کے مطابق زندگی گزارنے کا فیصلہ کر لیا ہے۔

اس حوالے سے سابقہ ماڈل انعم ملک نے اپنے تمام چاہنے والوں کو مخاطب کرتے ہوئے کہا کہ ’میرے حجاب پہننے پر آپ سب کی حوصلہ افزائی او ر پیار کا بہت شکریہ۔‘

سابقہ ماڈل انعم ملک نے بتایا کہ ’لوگ مجھ سے پوچھ رہے ہیں کہ میں نے ماڈلنگ چھوڑ کر حجاب پہننا کیوں شروع کیا۔‘

انعم ملک نے اس سوال کے جواب میں کہا کہ’انشاءاللّہ میں اس حوالے سے آپ سب کو ضرور بتاؤں گی اور بہت جلد اپنے اس نئے سفر کے بارے میں بھی بات کروں گی۔‘

انہوں نے کہا کہ ’ابھی یہ وقت ایسا ہے کہ میں بے شمار نئی چیزیں دریافت کر رہی ہوں، خود کو وہ سب سیکھا رہی ہوں اور ابھی مجھے ان سب چیزوں کے لیے مزید وقت کی بھی ضرورت ہے۔‘

 یادرہے کہ انعم ملک متعدد مشہور برانڈز اور ڈیزائنرز کے ساتھ کام کر چکی ہیں، ان کا شمار پاکستان کی معروف ماڈلز میں ہوتا ہے۔

دوسری جانب انعم ملک نے انسٹا سے ماڈلنگ کی اپنی تمام تصویریں ڈیلیٹ کردی ہیں اور اس وقت اُن کے اکاؤنٹ پر اُن کی چند تصویریں جن میں اُنہوں نے حجاب پہنا ہوا ہے ۔

واضح رہے کہ انعم ملک نے اپنے انسٹا اکاؤنٹ کی بائیو میں لکھا ہوا ہے کہ ’اور اللّہ تعالیٰ جسےچاہتا ہے ہدایت دیتا ہے۔‘