یاسین ملک کی اہلیہ مشعال ملک نے کہا ہے کہ بھارت کشمیری خواتین پر تشدد جنگی ہتھیار کے طور پر کررہا ہے۔

تفصیلات کے مطابق یاسین ملک کی اہلیہ مشعال ملک نے اپنے ایک بیان میں کہا کہ بھارت مقبوضہ کشمیر میں خواتین پر تشدد اور عصمت دری جنگی ہتھیار کے طور پر استعمال کررہا ہے جبکہ مقبوضہ وادی میں کشمیری خواتین کو ہراساں کرنا معمول بن چکا ہے۔

یاسین ملک کی اہلیہ نے کہا کہ سرچ آپریشن کے نام پر خواتین پر تشدد کیا جاتا ہے ، مقبوضہ کشمیر میں خواتین کی عصمت دری کے بڑھتے ہوئے واقعات بھارت کے چہرے پر سیاہ دھبہ ہیں

مشعال ملک نے یہ بھی کہا کہ مقبوضہ کشمیر کی خواتین پر بھارتی فورسز کا تشدد دنیا کو نظر نہیں آرہا، عالمی دنیا کا مقبوضہ کشمیر کے حالات سے نظریں چرانا افوسناک ہے

یاسین ملک کی اہلیہ کا کہنا تھا کہ بھارتی فوجی  کشمیری خواتین کو ذہنی اور جسمانی اذیت دینے ساتھ جنسی درندگی کا نشانہ بنا رہے ہیں،11،224 خواتین کے ساتھ زیادتی کی گئی جبکہ بھارتی فورسز کے جبر سے 22،922 خواتین کو بیوہ ہوچکی ہیں

مشعال ملک کا یہ بھی کہنا تھا کہ کشمیری خواتین کو مسلسل سرچ آپریشن اورچھاپوں کے ذریعہ ذہنی اذیت دی جارہی ہے جبکہ کشمیری خواتین اور بچے ہندوستان کے غیر انسانی فوجی محاصرے کا سب سے بڑا شکار ہیں۔

یاسین ملک کی اہلیہ نے کہا کہ  نام نہاد جمہوری ہندوستان کی فورسز کے ہاتھوں خواتین بچے غیر محفوظ ہیں جبکہ بھارتی فوجی آزادی کی جدوجہد کو دبانے کے لئے کشمیری خواتین کو جنسی ہراسانی کا نشانہ بناتے ہیں۔

مشعال ملک نے یہ بھی کہا کہ فاشسٹ طاقتیں کشمیری آزادی پسندوں کی ہمت کم نہیں کرسکتی ہیں۔

یاسین ملک کی اہلیہ مشعال ملک نے مزید کہا کہ عالمی برادری خاموش تماشائی کی طرح کشمیر کی صورتحال کو دیکھ رہی ہے لہذا عالمی انسانی حقوق کی تنظیموں کو بھارتی مظالم اور جارحیت کا نوٹس لینا چاہیے۔