گلگت بلتستان میں دھاندلی کرکے عوام کے ووٹ پر ڈاکہ ڈالا گیا، پلوشہ خان

وریشہ مسعود

17th Nov, 2020. 09:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلگت بلتستان میں دھاندلی کرکے عوام کے ووٹ پر ڈاکہ ڈالا گیا، پلوشہ خان

پیپلز پارٹی کی ڈپٹی سیکرٹری اطلاعات پلوشہ خان نے کہا ہے کہ گلگت بلتستان میں تاریخی دھاندلی کرکے عوام کے ووٹ پر ڈاکہ ڈالا گیا ہے۔

تفصیلات کے مطابق پیپلز پارٹی کی ڈپٹی سیکرٹری اطلاعات پلوشہ خان نے پریس کانفرنس کرتے ہوئے کہا کہ ہم جاننا چاہتے ہیں کہ دھاندلی کا پروگرام کون سے دفتر میں بنا۔

پیپلز پارٹی کی ڈپٹی سیکرٹری اطلاعات نے کہا کہ جاننا چاہتے ہیں کہ شیخ رشید کو کس نے پہلے گلگت کے نتائج کے بارے میں آگاہ کیا اور اگر پکے پکائے نتائج لانے تھے تو انتخابات کی کیوں تکلیف کی گئی۔

پلوشہ خان نے یہ بھی کہا کہ جو جماعت چھ ماہ پہلے تک گلگت میں موجود نہیں تھی اسے اکثریت دلادی گئی، اگر ہر چیز پر جے آئی ٹی بن سکتی ہے تو گلگت نتائج پر بھی جے آئی ٹی بنائی جائے جبکہ جے آئی ٹی میں شیخ رشید کو بلا کر شامل تفتیش کیا جائے۔

پیپلز پارٹی کی ڈپٹی سیکرٹری اطلاعات پلوشہ خان نے مزید کہا کہ گلگت بلتستان کی انتخابی مہم میں مراد سعید،علی امین گنڈاپور اور ذوالفی بخاری کو بھیجا گیا جبکہ ایک وزیر پر قتل کا الزام تو دوسرے پر لوگوں کو بے روزگار کرنے کا الزام ہے۔