ترجمان سندھ حکومت مرتضی وہاب نے کہا ہے کہ سندھ میں کورونا کیسز پھر تیزی آگئی ہے۔

تفصیلات کے مطابق ترجمان سندھ حکومت مرتضی وہاب نے سماجی رابطے کی ویب سائٹ ٹریٹر پر اپنے ایک پیغام میں کہا کہ سندھ میں کورونا کیسز پھر تیزی آگئی جبکہ صوبے میں گزشتہ 24 گھنٹوں میں کورونا کے مثبت کیسز کی شرح میں  6 اعشاریہ 6 فیصد اضافہ ہوا ہے۔

#COVID19 cases are rising fast in #Sindh. In the last 24 hours, the number of positive cases stood at 6.6% in the Province. Moment to ponder people. Please please wear masks

— Murtaza Wahab Siddiqui (@murtazawahab1) November 3, 2020

اپنے پیغام میں ترجمان سندھ حکومت مرتضی وہاب نے ایک بار پھرعوام سے ماسک لازمی پہننے کی درخواست کردی۔

یاد رہے اس سے قبل عالمی وبا کورونا کی دوسری لہر کے پیش نظرآج سے ملک بھر میں عوامی مقامات پرماسک پہننا لازمی قرار کردیا گیا ہے۔

حکومت کی جانب سے ملک بھر میں ماسک سے متعلق پابندی جس کے بعد پبلک ٹرانسپورٹ، عوامی اجتماع ، مارکیٹوں ،بس اڈوں اور ریلوے اسٹیشنوں پر سب کو ماسک پہننا لازمی قرار دیا گیا ہے۔

ذرائع کے مطابق ملک بھرمیں مارکیٹیں،شاپنگ مالز ،شادی ہالز،ریسٹورنٹس وغیرہ کوہدایات جاری کی گئی ہیں کہ وہ رات 10 بجے تک اپنے معاملات بند کردیں جبکہ تفریحی مقامات اورپبلک پارکوں کوشام 6 بجے تک بند کرنے کے احکامات جاری کئے گئے تھے۔