آئندہ سال میٹرک اور انٹرمیڈیٹ کے پریکٹیکلز نہ لینے کا اعلان

ثمرا مظہر

27th Nov, 2020. 11:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئندہ سال میٹرک اور انٹرمیڈیٹ کے پریکٹیکلز نہ لینے کا اعلان

محکمہ تعلیم پنجاب کی جانب سے آئندہ سال میٹرک اورانٹرمیڈیٹ کے امتحانات میں پریکٹیکلز نہ لینے کا اعلان کردیا گیاہے۔

نوٹیفکیشن کے مطابق پنجاب بورڈ کمیٹی آف چیئرمینزنے میٹرک اور انٹرمیڈیٹ کے پریکٹیکلز نہ لینےکاحتمی فیصلہ کیا ہے۔ پریکٹیکلز سے متعلق نوٹیفکیشن کا اطلاق پنجاب بھرکےتعلیمی بورڈز پر ہوگا۔

تعلیمی بورڈ نے فیصلہ کیا ہے کہ تھیوری میں مارکس کی بنیاد پر پریکٹیکلزکے نمبر دیئے جائیں گے۔ حکام کا کہنا ہے کہ پریکٹیکلزنہ لینے کا فیصلہ پرموشن کورونا 19 پالیسی کو سامنے رکھتے ہوئےکیا گیا ہے۔

کورونا وائرس کے پھیلاؤ میں اضافے کے سبب تعلیمی اداروں میں تدریسی سرگرمیاں ایک بار پھر معطل کردی گئی ہیں۔امتحانات کب لینے ہیں یہ صوبے خود فیصلہ کریں گے۔

پنجاب میں نویں سے بارہویں جماعت کے امتحانات مئی یا جون میں ہوں گے۔ محکمہ اسکولز ایجوکیشن پنجاب نے نرسری تا آٹھویں جماعت تک بچوں کو پاس کرنے کا فارمولا جاری کیا ہے۔

فیصلے کے تحت اگلی جماعت میں ترقی اب ہوم ورک کی بنیاد پر ہو گی۔ ہوم ورک مکمل نہ کرنے پر بچے کواگلی جماعت میں پروموٹ نہیں کیا جائے گا۔

خیال رہے کہ ملک میں عالمی وبا کورونا وائرس کے سبب مزید54 افراد جاں بحق ہوگئے ہیں جس کے بعد اموات کی مجموعی تعداد 7ہزار897 ہوگئی ہے۔