تعمیراتی سرگرمیوں میں اضافے سے معاشی سرگرمیاں تیز ہوں گی، وزیراعظم

وریشہ مسعود

12th Nov, 2020. 07:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعمیراتی سرگرمیوں میں اضافے سے معاشی سرگرمیاں تیز ہوں گی، وزیراعظم

وزیر اعظم عمران خان نے کہا ہے کہ نے کہا ہے کہ تعمیراتی سرگرمیوں میں اضافے سے معاشی سرگرمیاں تیز ہوں گی۔

تفصیلات کے مطابق وزیر اعظم عمران خان کی زیر صدارت قومی رابطہ کمیٹی برائے ہاؤسنگ، تعمیرات و ڈیویلپمنٹ کا اجلاس ہوا، جس میں سرویئر جنرل آف پاکستان نے کیڈسٹرل میپنگ کے حوالے سے بریفنگ دی۔

بریفنگ کے دوران کہا گیا کہ تعمیراتی منصوبوں کو گیس اور بجلی کی جلد فراہمی کا طریقہ کار وضع کر دیا گیا ہے جبکہ اسلام آباد، لاہور، کراچی، کوئٹہ، نوشہرہ اور دیگر اضلاع میں میپنگ کا عمل جاری ہے۔

بریفنگ کے دوران یہ بھی کہا گیا کہ غیر قانونی قبضے اور تجاوزات کو ختم کرنے میں مدد ملے گی جبکہ اس اقدام سے زمین کی اصل ملکیت ثابت ہوگی۔

اجلاس کی صدارت کرتے ہوئے وزیر اعظم نے کہا کہ حکومتی اجازت ناموں و دیگر متعلقہ کاروائیوں میں بے جا تاخیر نہ کی جائے جبکہ سرمایہ کاروں کے لیے منظوریوں کا عمل سہل بنایا جائے۔

وزیر اعظم عمران خان نے مزید کہا کہ حکومت کی توجہ سرمایہ کاروں کے لیے ہر شعبے میں آسانیاں پیدا کرنے پر مرکوز ہے جبکہ تعمیراتی سرگرمیوں میں اضافے سے معاشی سرگرمیاں تیز ہوں گی۔

اجلاس میں شبلی فراز، عشرت حسین، شہباز گل، وفاقی و صوبائی سیکرٹریز اور سینئر افسران شریک ہوئے۔