وزیراعظم عمران خان بلوچستان کے ایک روزہ دورے پر تربت پہنچ گئے ہیں۔

تفصیلات کے مطابق گورنر امان اللہ یاسین زئی اور وزیراعلیٰ جام کمال نے وزیراعظم کا استقبال کیا، دورے کے دوران وزیر اعظم جنوبی بلوچستان کے لیے ترقیاتی پیکج کا اعلان کریں گے۔

تربت میں ترقیاتی و سماجی منصوبوں کا سنگ بنیاد رکھنے کی تقریب سے خطاب کرتے ہوئے وزیراعظم عمران خان کا کہنا تھا  کہ تعلیم کے میدان میں ہم آج پیچھے رہ گئے ہیں، کوشش ہے پیچھے رہ جانے والے علاقوں پر توجہ دیں، بلوچستان پر سب سے زیادہ فنڈنگ کر رہے ہیں۔

وزیراعظم نے کہا کہ پورا پاکستان دیکھا مگر تربت جیسے شہر میں پہلی بار آیا، جہاز سے تربت دیکھا، ایک تاریخی اور خوبصورت شہر ہے۔

انھوں نے کہا کہ تعلیم کے بغیر کسی معاشرے نے ترقی نہیں کی، تربت یونیورسٹی میں پہلی بار آیا ہوں، نوجوان پاکستان کا مستقبل ہیں، علم ہمیں دیگر مخلوقات سے نمایاں کرتا ہے۔

اس دورے کے دوران وزیر اعظم عمران خان گورنر بلوچستان اور وزیر اعلیٰ جام کمال کے علاوہ قبائلی عمائدین سے ملاقات بھی کریں گے۔

وفاقی وزیر اسدعمر، مرادسعید، شبلی فراز وزیر اعظم کے ہمراہ ہیں۔

وزیر اعظم صوبائی ممبران اسمبلی اور پارٹی رہنماوں سے بھی ملاقات کریں گے اور انھیں صوبہ میں سیکورٹی صورتحال پر بریفنگ دی جائے گی۔

مزید پڑھیں

وزیراعظم کا ملک میں احتساب کے عمل کو جاری رکھنے کا عزم

وزیراعظم عمران خان نے ملک میں احتساب کے عمل کو جاری رکھنے...

وزیر اعظم کو بلوچستان میں جاری ترقیاتی منصوبوں میں پیش رفت سے بھی آگاہ کیا جائے گا۔

وزیر اعلیٰ بلوچستان جام کمال خان نے سماجی رابطے کی ویب سائٹ ٹوئٹر پر جاری اپنی ٹوئٹ میں کہا  کہ وزیر اعظم عمران خان کا تربت کا دورہ تاریخی ہوگا۔

انشاءاللہ یہ ایک تاریخی دورہ ہوگا وزیراعظم @ImranKhanPTIk کا…..

Government #Balochistan, #PakistanArmy and Federal Government initiated a long deliberation to make a comprehensive development package for Balochistan which inshallah shall be announced tomorrow in Turbat. pic.twitter.com/DXil5vEEY5

— Jam Kamal Khan (@jam_kamal) November 12, 2020

وزیراعظم کے دورے کے موقع پر وزیراعلیٰ جام کمال خان، ارکان صوبائی کابینہ بھی تربت میں