عالمی ادارہ صحت (ڈبلیو ایچ او) نے کورونا وائرس سے نمٹنے کیلئے پاکستان کے اقدامات کی تعریف  کی ہے۔

عالمی ادارہ صحت نے حکومت پاکستان کے نام ایک مراسلہ ارسال کیا ہے کہ جس میں کورونا وائرس سے نمٹنے کیلئے پاکستان کےاقدامات کو سرہاتے ہوئے کہا گیا کہ پاکستان سے کورونا کے خلاف بھرپور تعاون جاری رہے گا، موثر و محفوظ کورونا ویکسین کی تیاری کیلئے کوششیں جاری ہیں۔

 ڈبلیو ایچ اوکا مراسلے میں کہنا ہے کہ 2021 کے آغاز پر بعض کورونا ویکسین محدود پیمانے پر دستیاب ہونگی، آغاز میں عالمی سطح پر ویکسین کی منصفانہ تقسیم یقینی بنانا ہو گی، آغاز میں کورونا ویکسین کے درست اہداف کی بروقت نشاندہی ضروری ہے۔

ڈبلیو ایچ او نے پاکستان کو متوقع کورونا ویکسین کے بارے میں تعاون کی یقین دہانی  بھی کروائی اور کہا کہ کورونا ویکسین کے استعمال میں پاکستان کی معاونت کریں گے۔

ذرائع کے مطابق ڈبلیو ایچ او نے پاکستان کو متوقع ویکسین کے استعمال کے بارے میں تجاویز سے آگاہ کر دیا ہے۔

عالمی ادارہ صحت کے مطابق پاکستان متوقع کورونا ویکسین کے بارے میں  پیشگی موثر پلاننگ کرے اور ویکسین کے استعمال کا مساوی و موثر عمل ترتیب دے۔

مراسلہ میں لکھا گیا ہے کہ پاکستان کورونا ویکسینیشن کے مخصوص اہداف کی بروقت نشاندہی کرے، ویکسین کی ملک گیر ترسیل کی اسٹریٹیجی وضح کرے،  کورونا ویکسین سے متعلق قومی رابطہ کمیٹی تشکیل دے۔

مزید پڑھیں

عالمی وبا کو ختم کرنے کی امید پیدا ہو گئی

کورونا وائرس کی دوسری لہر نے دنیا بھر میں شدت اختیار کر...

، ڈبلیو ایچ اوکے مطابق رابطہ کمیٹی کورونا ویکسین کی پلاننگ و رابطوں کی ذمہ دار ہو گی،کورونا ویکسین کی ترسیل کیلئے لاجسٹک، کولڈ چین سسٹم قائم کرے۔

ارسال کیے گئے مراسلے میں کہا گیا کہ پاکستان ویکسین کی محفوظ ترسیل کیلئے سروس ڈیلیوری نظام تشکیل دے،  ویکسینیشن مہم کیلئے سرویلنس، مانیٹرنگ سسٹم تشکیل دے، ویکسینیشن کیلئے ہائی رسک آبادی کی پیشگی نشاندہی کرے۔

 ڈبلیو ایچ او کا کہنا ہے کہ پاکستان ویکسین کے مضر اثرات جانچنے کیلئے سیفٹی سرویلنس سسٹم بنائے،کورونا ویکسینیشن کیلئے تربیت یافتہ ٹیمیں تشکیل دے،  ویکسین کی ڈیمانڈ جنریشن،کمیونیکشن پلان تیار کرے۔

مراسلہ میں مزید کہا گیا کہ پاکستان کورونا ویکسینیشن سے متعلق عوامی آگاہی کیلئے پیشگی مہم چلائے۔