دسمبر 2016 میں حویلیاں میں حادثے کا شکار ہونے والے پی آئی اے کے طیارے کی تحقیقات 4 سال بعد مکمل کرلی گئیں۔ حادثے میں معروف نعت خواں جنید جمشید سمیت 48 افراد شہید ہوگئے تھے۔
تفصیلات کے مطابق ایئرکرافٹ ایکسیڈنٹ انویسٹی گیشن بورڈ (اے اے آئی بی) نے حویلیاں میں حادثے کا شکار ہونے والی پرواز 661 کی تحقیقاتی رپورٹ بھی جاری کر دی ہے۔
اے اے آئی بی رپورٹ کے مطابق دسمبر 2016 میں حویلیاں طیارہ حادثہ میں جنید جمشید سمیت 48 افراد شہید ہوئے تھے۔ انجن کی پاور ٹربائن کا اسٹیج ون بلیڈ یا پی ٹی ون بلیڈ ٹوٹ کر اپنی جگہ سے ہٹا، پاور ٹربائن شافٹ کی گردش متاثر ہوئی۔
اے اے آئی بی کی رپورٹ کے مطابق او ایس جی پن بھی ٹوٹی ہوئی تھی۔ انجن آئل میں ایندھن کی آلودگی شامل ہونے کے باعث خرابی شروع ہوئی۔
رپورٹ میں کہا گیا ہے کہ ان وجوہات کے سبب پروپیلر الیکٹرانک کنٹرول میں خرابی پیدا ہوئی۔ طیارے کے پائلٹس نے نئی خرابی دیکھی جو پہلے اے ٹی آر طیاروں میں کبھی نہیں دیکھی گئی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
