بل گیٹس نے بڑی امداد کا اعلان کردیا

ثمرا مظہر

15th Nov, 2020. 01:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بل گیٹس نے بڑی امداد کا اعلان کردیا

عالمی وبا کورونا وائرس سے بچاو کیلئے بل گیٹس نے ویکسین کی دنیا بھر میں فراہمی یقینی بنانے کیلئے امداد کا اعلان کردیا۔

غیر ملکی خبر رساں ایجنسی کے مطابق دنیا کے امیر ترین افراد میں سے ایک بل گیٹس نے اعلان کیا ہے کہ کورونا ویکسین کی دنیا بھر کے ممالک میں فراہمی یقینی بنانے کیلئے 7 کروڑ ڈالر امداد ان کی فلاحی تنظیم، بل اینڈ میلنڈا گیٹس فاؤنڈیشن کی جانب سے دی جائے گی۔

بل اینڈ میلنڈا گیٹس فاؤنڈیشن کا اعلان کرتے ہوئے کہنا ہے کہ دنیا کے ہر کونے میں کورونا وائرس پھیلا ہے اس لیے ویکسین بھی سب کا حق ہے۔ ویکسین کی فراہمی یقینی بنانے کیلئے عالمی اداروں کی 7 کروڑ ڈالر کی امداد کی جائے گی۔

فلاحی تنظیم نے امدادی رقم دو حصوں میں ادا کرنے کا اعلان کیا ہے جس کے تحت کوویکس ایڈوانس مارکیٹ کمٹمنٹ گروپ کو پانچ کروڑ جبکہ کولیشن آف اپیڈیمک پریپرڈینس انوسیشنز کو دو کروڑ ڈالرز دیے جائیں گے۔

خیال رہے کہ یہ دونوں ادارے عالمی گروپ کے ساتھ کورونا ویکسین کی تیاری میں مصروف ہیں اور اس بات کو یقینی بنانے کی کوشش کررہے ہیں کہ ٹیسٹوں، علاج اور ویکسینوں کی فراہمی دنیا بھر میں مساوی بنیادوں پر کی جاسکے۔