امریکا کا اگلا صدر کون؟ امریکی صدارتی انتخابات کل ہونگے

ثمرا مظہر

02nd Nov, 2020. 11:00 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا کا اگلا صدر کون؟ امریکی صدارتی انتخابات کل ہونگے

امریکا کے اگلے صدر کے چناو کیلئے صدارتی انتخاب 3 نومبر کو ہوں گے۔

غیر ملکی خبر رساں ایجنسی کے مطابق امریکا میں صدارتی امیدوار کل چن لیا جائے گا۔ انتخابات کیلئے دونوں صدارتی امیدوار ڈونلڈ ٹرمپ اور ڈیمو کریٹک امیدوار جوبائیڈن کے درمیان کانٹے کا مقابلہ جاری ہے۔

غیر ملکی خبر ایجنسی کے مطابق امریکا میں 9 کروڑ سے زیادہ امریکی ارلی ووٹ کے ذریعے اپنا حق رائے دہی استعمال کر چکے ہیں۔

تجزیہ کاروں کے مطابق 2020 کے امریکی انتخابات میں 15 سے 16 کروڑ امریکی شہری اپنا حق رائے دہی استعمال کریں گے جو کسی بھی سابقہ انتخابات کے مقابلے میں سب سے زیادہ ٹرن آؤٹ ہوگا۔

واضح رہے کہ ارلی ووٹ میں صدارتی امیدوار جوبائیڈن کو ڈونلڈ ٹرمپ کے مقابلے میں 7 ریاستوں سے برتری حاصل ہے جس میں فلوریڈا، پینسلوانیہ، مشی گن اور شمالی کیرولائینا شامل ہیں۔

انتخابی جائزے کے تحت ایری زونا، ویسکونسن اور ایووا میں بھی جوبائیڈن موجودہ امریکی صدر ڈونلڈ ٹرمپ کے مقابلے میں آگے ہیں۔

انتخابی جائزے کے مطابق اس وقت امریکا میں جوبائیڈن 43 فیصد کے مقابلے میں 51 فیصد ووٹوں کے ساتھ آگے ہیں۔