گرجا گھروں کی سیکیورٹی فول پروف بنائی جائے، وزیر قانون پنجاب

ثمرا مظہر

24th Dec, 2020. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گرجا گھروں کی سیکیورٹی فول پروف بنائی جائے، وزیر قانون پنجاب

وزیر قانون پنجاب محمد بشارت راجا نے کہا ہے کہ کرسمس تہوار پر گرجا گھروں کی سیکیورٹی کو یقینی بنایا جائے جبکہ سعودی شہزادے کی قیام گاہ اور روٹس پر سرویلنس کے سخت انتظامات کے علاوہ جنوبی افریقا کرکٹ ٹیم کے دورۂ پنجاب پر بھی سیکیورٹی پلان پر سختی سے عملدرآمد کرایا جائے۔

صوبائی وزیر قانون کی زیرِصدارت کابینہ کمیٹی برائے لاء اینڈ آرڈر کا اجلاس منعقد ہوا جس میں ایڈیشنل چیف سیکریٹری ہوم، آئی جی پنجاب اور ایڈیشنل آئی جی سی ٹی ڈی سمیت دیگرحکام شریک ہوئے ۔

اجلاس میں ویڈیو لنک کے ذریعے تمام کمشنرز اور آر پی اوز نے بریفنگ دی، کرسمس، دورۂ سعودی شہزادہ اور کرکٹ میچ کے حوالے سے سیکیورٹی انتظامات کا جائزہ لیا گیا۔

اس موقع پر وزیر قانون پنجاب نے ہدایت کی کہ قانون نافذکرنیوالےتمام ضلعی،صوبائی اوروفاقی ادارے فعال رہیں اور آپس میں موثررابطہ رکھیں۔