عمران خان نے عملی طور دو پاکستان بنا دیئے ہیں، نفیسہ شاہ

وریشہ مسعود

21st Dec, 2020. 09:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان نے عملی طور دو پاکستان بنا دیئے ہیں، نفیسہ شاہ

سیکریٹری اطلاعات پیپلز پارٹی پارلیمنٹیرینز ڈاکٹر نفیسہ شاہ نے کہا ہے کہ عمران خان نے عملی طور دو پاکستان بنادیئے ہیں۔

پیپلزپارٹی کی مرکزی سیکرٹری اطلاعات ڈاکٹر نفیسہ شاہ نے کہا ہے کہ سی ڈی اے نے اسلام آباد میں غریبوں کے ہزاروں گھر مسمار کئے جبکہ عمران خان کی ہزاروں گز ناجائز تعمیرات کو قانون شکل دینا مذاق ہے۔

پیپلزپارٹی کی مرکزی سیکرٹری اطلاعات نے کہا کہ یہ کیسا ملک ہے جہاں ایک شخص کیلیئے الگ غریبوں کیلیئے الگ قانون ہے ، سپریم کورٹ الگ قانون کا نوٹس لے۔

ڈاکٹر نفیسہ شاہ نے یہ بھی کہا کہ بنی گالا سے ہزاروں درختوں کی کٹائی پر قانون کیوں خاموش ہے جبکہ جو چیز غریبوں کیلئے غیر قانونی ہے عمران خان کیلئے کیسے قانونی ہے

سیکریٹری اطلاعات پیپلز پارٹی پارلیمنٹیرینز ڈاکٹر نفیسہ شاہ نے مزید کہا کہ جن غریبوں کی جھونپڑیاں مسمار کی گئی ہیں کے نقصان کا ازالہ کیا جائے جبکہ لوگوں کو 50 لاکھ گھر دینے کا وعدہ کرنے والے نے لاکھوں افراد سےچھت چھین لی۔