ملک میں عالمی وبا سے مزید 56 افراد جاں بحق

ثمرا مظہر

10th Dec, 2020. 09:59 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں عالمی وبا سے مزید 56 افراد جاں بحق

ملک میں عالمی وبا کورونا وائرس کے کیسز اور اس سے اموات میں کمی کے بعد اب تیزی سے اضافہ ہو رہا ہے۔

تفصیلات کے مطابق نیشنل کمانڈ اینڈ آپریشن سینٹر (این سی او سی) کا کہنا ہے کہ گزشتہ روز ملک بھر میں کورونا وائرس کے 40ہزار 202 ٹیسٹ کیئے گئے، جبکہ اب تک کُل 59 لاکھ 6ہزار سے زائد ٹیسٹ کیئے جا چکے ہیں۔

ملک میں گزشتہ 24 گھنٹوں کے دوران کورونا وائرس کے مزید 3 ہزار 138 کیسز رپورٹ ہوئے ہیں جبکہ مزید 56افراد اس موذی وباء کے سامنے زندگی کی بازی ہار گئے جبکہ 2 ہزار 30مریض اس مہلک بیماری سے شفایاب ہوئے۔

پاکستان میں کورونا وائرس کے کیسز کی کُل تعداد 4 لاکھ 29 ہزار 280ہو چکی ہے، جبکہ اس موذی وباء سے جاں بحق افراد کی کُل تعداد 8 ہزار 603 تک جا پہنچی ہے۔

کورونا وائرس کے ملک بھر میں 46 ہزار 376 مریض اسپتالوں، قرنطینہ مراکز اور گھروں میں آئسولیشن میں ہیں، جن میں سے 2 ہزار 575کی حالت تشویشناک ہے جبکہ 3 لاکھ 74ہزار 301مریض اس بیماری سے صحت یاب ہو چکے ہیں۔