حدیقہ کیانی کے بیوٹی سیلون کی مقامی فرنچائز کو موردالزام ٹہراتے ہوئے عدالت جا پہنچی ہیں۔

تفصیلات کے مطابق فیصل آباد کی رہائشی خاتون مبینہ طور پر ان کے بال جھڑنے کے لیے حدیقہ کیانی کے بیوٹی سیلون کی مقامی فرنچائز کو موردالزام ٹہراتے ہوئے عدالت جا پہنچی۔

مزید پڑھیں

حدیقہ کیانی اب اداکاری میں بھی اپنا نام منوانے کے لیے پُرجوش

پاکستان کی مقبول ترین اور عالمی شہرت یافتہ گلوکارہ حدیقہ کیانی اب...

خاتون نے حدیقہ کیانی کے بیوٹی سیلون کی فیصل آباد میں واقع فرنچائز  کے مالک کے خلاف بھی الگ سے 2.5 ملین (25 لاکھ روپے) ہرجانے کا دعویٰ دائر کیا ہے۔

زاہدہ نامی خاتون نے بتایا کہ وہ اپنے بالوں میں اسٹریٹننگ ٹریٹمنٹ کے لیے حدیقہ کیانی کے بیوٹی سیلون  کی آؤٹ لیٹ فرنچائز گئی تھی جہاں سے ہیئر ٹریٹمنٹ کروانے کے بعد خاتون کے بال گرنا شروع ہوگئے۔

خیال رہے کہ خاتون نے الزام عائد کیا ہے کہ بیوٹی سیلون میں ان کے بالوں پرغیر معیاری کریمیں استعمال کی گئیں جس کی وجہ سے ان کے بال جھڑنا شروع ہوگئے اور ان کی شخصیت خراب ہوئی۔

یاد رہے کہ مقامی عدالت نے گلوکارہ حدیقہ کیانی، فیصل آباد فرنچائز کے مالک، ڈپٹی کمشنر فیصل آباد اور ضلعی ہیلتھ آفیسر کو ثمن جاری کرتے ہوئے 16 دسمبر کو طلب کرلیا۔

حاصل کردہ قانونی چارہ جوئی کی کاپیاں یہ ہیں۔

واضح رہے کہ اس حوالے سے فرنچائز کے مالک کا کہنا ہے کہ انہوں نے خاتون کے دعوے کے جواب میں اپنا جواب عدالت میں جمع کروادیا ہے۔