پاکستان کی مقبول ترین اور عالمی شہرت یافتہ گلوکارہ حدیقہ کیانی اب اداکاری میں بھی اپنا نام منوانے کے لیے پُرجوش ہیں۔
تفصیلات کے مطابق اس خبر کی اطلاع فریال محمود نے فوٹو اینڈ ویڈیو شیئرنگ ایپ انسٹاگرام پر اپنی ایک پوسٹ کے ذریعے دی ہے۔
فریال محمود نے اپنے انسٹاگرام اکاؤنٹ پر گلوکارہ حدیقہ کیانی کے ہمراہ اپنی دو تصاویر پوسٹ کی ہے۔
فریال محمود کی جانب سے پوسٹ کی ج انے والی تصویر کی کیمشن میں اداکارہ نے لکھا کہ حدیقہ کیانی جلد ہی ڈراما انڈسٹری میں اپنی اداکاری کا آغاز کرنے والی ہیں۔
خیال رہے کہ اداکارہ نے بتایا کہ گلوکارہ کے پہلے ڈراما سیریل کا نام ’رقیب سے‘ ہے جوکہ ایک نجی ٹی وی چینل سے نشر کیا جائے گا۔
تاہم اب تک حدیقہ کیانی کی جانب سے اپنے پہلے ڈراما سیریل کے متعلق کوئی پیغام سامنے نہیں آیا ہے۔
دوسری جناب اداکارہ نے گلوکارہ کی تعریف کرتے ہوئے لکھا کہ آپ کو جاننے سے پہلے میں ہمیشہ یہی سوچتی تھی کہ آپ کی شخصیت کیسی ہوگی لیکن آپ کو جاننے کے بعد میں نے جو خوشی محسوس کی ہے وہ اس سے پہلے کبھی محسوس نہیں کی۔
یاد رہے کہ فریال محمود نے گلوکارہ کے مداحوں کو مخاطب کرتے ہوئے لکھا کہ حدیقہ کیانی اداکاری کی دُنیا میں حکمرانی کرنے آئی ہیں اور جلد ہی یہ ایک راک اسٹار کے روپ میں نظر آئیں گی۔
واضح رہے کہ اداکارہ کی اس پوسٹ پر گلوکارہ آئمہ بیگ نے کمنٹ کرتے ہوئے لکھا کہ وہ حدیقہ کیانی کو اسکرین پر دیکھنے کے لیے بہت پُرجوش ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News