پاکستانی عمرہ زائرین کیلئے خوشخبری،سعودی حکومت اور پاکستانی ٹریول ایجنسیز کے درمیان نیا معاہدہ تیار ہوگیا۔
ذرائع کے مطابق سعودی حکومت اور پاکستانی ٹریول ایجنسیز کے درمیان نیا معاہدہ تیار ہوگیا جس کے تحت زائرین کو عمرے پر گروپ کی شکل میں لے جایا جائے گا۔
ذرائع کا کہنا ہے کہ زائرین کو گروپوں میں عمرے کی ادائیگی کیلیے لیکرجانے کیلیے منصوبہ بندی مکمل کرلی گئی ہے۔
ذرائع کا یہ بھی کہنا ہے کہ ہر گروپ 22 زائرین پر مشتمل ہوگا جبکہ عمرہ زائرین مکمل طور پر سعودی حکومت کے کرونا ایس او پی پر عمل درآمد کرنے کے پابند ہوں گے۔
ذرائع کا مزید کہنا ہے کہ50 سے زائد کمپنیوں کے ساتھ عمرہ سے متعلق معاہدہ ہوگا جبکہ معاہدے کو 15 دسمبر تک حتمی شکل دی جائیگی۔
یاد رہے اس سے قبل کورونا وبا ءکی وجہ سے عمرہ کی بندش کو نئے قوائد و ضوابط کے ساتھ کھولنے کا فیصلہ کیا تھا۔
سعودی حکومت نے ایئر لائنز ٹورز آپریٹرز اور زائرین کے لیے نئی ایس او پیز جاری کی تھی۔
پاکستان سے عمرہ کی ادائیگی کے لیے جانے والے زائرین یکم نومبر 2020سے عمرہ کی درخواستیں جمع کروا سکیں گے جبکہ عمرہ زائرین کو ایئر لائنز سماجی فاصلوں کے ساتھ سعودیہ لانے کے پابند ہوں گے۔
عمرہ زائرن کے لیے سعودی عرب میں داخلے کے لیے منظور شدہ لبارٹریز سے 72 گھنٹے پہلے کورونا ٹیسٹ کروانا ہو گا۔عمرہ زائرین منفی رپورٹ اپنی روانگی سے قبل ایئر پورٹ کاؤنٹرز پر جمع کروائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News