لاہور میں پرائیویٹ اسکول انتظامیہ نے حکومتی احکامات کی خلاف ورزی کرتے ہوئے زبردستی اسکول کھول لیے ہیں۔

تفصیلات کے مطابق پنجاب کے دارالحکومت لاہور میں پرائیویٹ اسکول انتظامیہ عالمی وبا کورونا وائرس سے بچاؤ کیلئے دی گئی چھٹیوں کے باوجود بچوں کو زبردستی اسکول بلارہی ہے۔

ذرائع کے مطابق انتظامیہ کی ہٹ دھرمی کے باعث بچے گھر کے کپڑوں میں اسکول آرہے ہیں جبکہ بچوں کو کلاس روم میں بغیر سماجی فاصلے کے بٹھا کر کلا سز لی جا رہی ہیں۔

اکثر بچوں کا کہنا ہے کہ ہمیں فون کرکے زبردستی اسکول بلایا جارہا ہے۔

دوسری جانب پرائیویٹ اسکولز ایسوسی ایشنزکی جوائنٹ ایکشن کمیٹی نے 11 جنوری سے اسکول ہر صورت کھولنے کا اعلان کر دیا ہے۔

صدر پرائیویٹ اسکولز ایسوسی ایشنز کا کہنا ہے کہ سب کی متفقہ رائے سے راولپنڈی اسلام آباد میں اسکولز کھولنے کا فیصلہ کیا گیا۔

 راولپنڈی اسلام آباد میں پرائیویٹ اسکولز میں نصابی سرگرمیاں 11جنوری سے  شروع ہو نگی۔

اس سلسلے میں گزشتہ روز کی گئی پریس کانفرنس میں کہا گیا کہ سپریم کونسل بنائی گئی ہے، جس میں مزید فیصلے کیے جائیں گے، اگر 11جنوری کے بعد اسکولز کھولنے پر حکومتی کارروائی ہوئی تو اس پر سخت احتجاج کرینگے۔

صدر پرائیویٹ اسکولز ایسوسی ایشنز نے موقف اپنایا کہ سب کچھ کھلا ہے توتعلیمی ادارے کیوں بند کیے جارہے ہیں، ایس اوپیز پر مکمل عمل درآمد کیا جائے گا۔

واضح رہے کہ ملک میں برھتے ہوئے کرونا کیسز کے پیش نظر اور نیشنل کمانڈ اینڈ آپریشن سینٹر کی سفارش پر وفاقی وزیر تعلیم شفقت محمود نے تمام تعلیمی ادارے بند کرنے کا اعلان کیا تھا۔

مزید پڑھیں

ملک بھر میں تعلیمی ادارے کب سے کھلیں گے؟ وفاقی وزیر تعلیم نے بتا دیا

وفاقی وزیرتعلیم کا کہنا ہے کہ حالات بہتر ہوتے ہی تعلیمی ادارے...