مشہور بھارتی ڈرامے ’تاراک مہتا کا الٹا چشمہ‘ کے مصنف نے خودکشی کرلی ہے۔

غیر ملکی خبر رساں ادارے کے مطابق ڈرامے ’تاراک مہتا کا الٹا چشمہ‘ کے مصنف کی خودکشی ی وجہ حالات سے تنگ آنا سامنے آئی ہے۔

مزید پڑھیں

2022 پنجاب میں ٹریفک حادثات کے لحاظ سے بدترین رہا

سال 2022 پنجاب میں ٹریفک حادثات کے لحاظ سے بھی بدترین رہا۔...

زائرہ وسیم کی مداحوں سے درخواست

اسلام کی خاطر فلمی دُنیا کو خیرباد کہنے والی زائرہ وسیم نے...

پولیس کو ان کے گھر سے سوسائڈ نوٹ بھی ملا ہے، جس میں انہوں نے اپنے مالی حالات کا تذکرہ کیا اور اس انتہائی اقدام کی وجوہات درج کی ہیں۔

پولیس اہلکار کے مطابق بھارتی مصنف نے اپنے آخری خط میں لکھا کہ وہ گزشتہ کئی ماہ سے ان حالات میں مبتلا ہیں۔

ابھیشک ماکوانا نے اپنے گھر والوں سے معافی بھی مانگی اور کہا کہ میں نے حالات سے لڑنے کی بھرپور کوشش کی لیکن وہ اب مزید ایسا نہیں کرسکتے کیونکہ پریشانیاں صرف بڑھ رہی ہیں۔

دوسری جانب ابھیشک ماکوانا جو مشہور بھارتی ڈرامے کے منصف ہے ان کی لاش ممبئی کے علاقے کاندیوالی میں واقع ان کے گھر سے ملی ہے۔

تاہم اس کیس کا پولیس نے حادثاتی موت کا مقدمہ درج کیا ہے۔

پولیس مشہور بھارتی ڈرامے کے مصنف کے اس انتہائی اقدام سے متعلق اپنی تحقیقات جاری رکھے ہوئے ہے۔

بھارتی مصنف کے اقدام خودکشی کے بعد ان کے بھائی جینس ماکوانا نے سوشل میڈیا پرابھیشک ماکوانا کو انتہائی جذباتی انداز میں یاد کیا۔

انہوں نے لکھا کہ ’میں کیا لکھوں؟ لکھاری تو مجھے اکیلا چھوڑ کر بہت دور چلاگیا‘۔

خیال رہے کہ جینس ماکوانا نے اپنے بھائی کو مخاطب کرتے ہوئے مزید لکھا کہ ’ تم نے مجھے دھوکا دیا، مجھے گڑھے میں دھکیل دیا، میں پوچھتا ہوں کہ تم نے یہ قدم کیوں اٹھایا؟ تم مجھے تنہا کیوں چھوڑ گئے؟ آخر کیوں؟

واضح رہے انہوں نے اپنے بھائی کو یاد کرتے ہوئے انہوں نے لکھا کہ ’ اب مجھے کون گلے لگائے گا؟ کون ہے، جسے اب میں بھائی کہہ کر پکاروں گا؟‘