آج رات دو بڑے سیاروں مشتری اور زحل کا ملاپ ہوگا

ثمرا مظہر

21st Dec, 2020. 02:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج رات دو بڑے سیاروں مشتری اور زحل کا ملاپ ہوگا

نظام شمسی کے دو بڑے سیاروں مشتری اور زحل کا آج ملاپ ہوگا۔

تفصیلات کے مطابق مشتری اور زحل ڈبل سیارے کی طرح دکھائی دیں گے اور پاکستان سمیت دنیا بھر میں دیکھے جا سکیں گے۔

دونوں سیاروں کا دو صدیوں بعد یہ ملاپ 21 دسمبر کو غروب آفتاب کے کچھ دیر بعد دیکھنا ممکن ہوگا جو آسمان پر جنوب مغرب کی جانب ہوگا۔

مشتری اور زحل صدیوں بعد ایک دوسرے کے اتنے قریب ہونگے اور رات میں وہ ’سیاروں کا جوڑا‘ نظر آئیں گے۔

زحل اور مشتری ایک دوسرے کے ساتھ محسوس ہوں گے اور الگ الگ دیکھنے کے لیے دوربین کی ضرورت ہوگی۔

ماہر فلکیات کا کہناہے کہ یہ سیارے ہر گزرتی رات کے ساتھ ایک دوسرے کے قریب آرہے تھے اور آج رات ایک دوسرے کے قریب ترین ہوں گے۔

ماہرین فلکیات کا کہناہے کہ نظام شمسی کے ان دونوں بڑے سیاروں کا ایک دوسرے کے قریب آنا اتنا نایاب نہیں کیونکہ مشتری ہر 20 سال میں سورج کے گرد مدار میں گھومتے ہوئے زحل کے پاس سے گزرتا ہے۔