یورپ کے بیشتر ممالک میں شہری لاک ڈاﺅن اور کورونا وائرس سے متعلق دیگر پابندیوں کے خلاف سڑکوں پر نکل آئے۔
خبر ایجنسی کے مطابق ہالینڈ اور ڈنمارک میں پرتشدد مظاہرے بھی ہوئے ہیں جس میں متعدد افراد زخمی ہوئے۔
ہالینڈ میں مشتعل شہریوں نے کورونا وائرس کے ٹیسٹ کرنے کے لیے بنائے گئے ٹیسٹ سینٹر کو آگ لگا دی جبکہ ڈنمارک میں شہریوں نے وزیراعظم میٹ فریڈرکسن کے پتلے کو آگ لگا کر اپنا غصہ نکالا۔
اس کے علاوہ کئی املاک اور گاڑیوں کو بھی مشتعل مظاہرین نے آگ لگا دی۔
ہالینڈ کے شہر ایندھوین میں مشتعل لوگوں نے ایک سپرمارکیٹ پر دھاوا بول دیا اور توڑ پھوڑ کر ڈالی اور کچھ مظاہرین مارکیٹ سے اشیاءبھی اٹھا لے گئے۔
Advertisement
رپورٹ کے مطابق ان یورپی ممالک میں پولیس نے جگہ جگہ آنسو گیس اور پانی کے ذریعے مشتعل مظاہرین کو منتشر کرنے کی کوشش کی۔ سب سے بڑا احتجاج ہالینڈ کے دارالحکومت ایمسٹرڈیم اور ڈنمارک کے دارالحکومت کوپن ہیگن میں دیکھنے میں آیا۔
کوپن ہیگن میں پولیس نے 30لوگوں کو حراست میں بھی لے لیا۔ انٹرنیٹ پر ان مظاہروں کی تصاویر گردش کر رہی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
