وزیرِ اعلیٰ پنجاب سردار عثمان بزدار کی معاونِ خصوصی فردوس عاشق اعوان نے کہا ہے کہ سانحہ مچھ کے متاثرین نے وزیراعظم عمران خان کی آواز پر لبیک کہہ کر 22 کروڑ عوام کے دل جیت لئے۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ حکومت ہزارہ برادری کے ساتھ کھڑی ہے، شہدا کے لواحقین کو انصاف کی فراہمی یقینی بنانے کیلئے جے آئی ٹی اور کمیشن آزادانہ تحقیقات کر کے جلد رپورٹ پیش کرے گا۔

انہوں نے کہا کہ رپورٹ کی روشنی میں مجرموں کو کیفر کردار تک پہنچایا جائیگا۔

فردوس عاشق اعوان کا مزید کہناتھا کہ دشمن پاکستان کو عدم استحکام سے دوچار کرنے کی سازشوں میں مصروف ہے جبکہ نادان اپوزیشن اپنی مفاد پرست گھٹیا سیاست کے ذریعے مسلسل غیرسنجیدگی کا مظاہرہ کررہی ہے۔

Advertisement

دشمن پاکستان کو عدم استحکام سے دوچار کرنے کی سازشوں میں مصروف ہے جبکہ نادان اپوزیشن اپنی مفاد پرست گھٹیا سیاست کے ذریعے مسلسل غیرسنجیدگی کا مظاہرہ کررہی ہے۔ وزیراعظم عمران خان کے نزدیک ملکی مفاد ہر صورت مقدم ہے! قومی مفادات کو ذاتی مفاد پر ترجیح دینا ہر محب وطن کی ذمہ داری ہے۔

— Dr. Firdous Ashiq Awan (@Dr_FirdousPTI) January 9, 2021

انہوں نے کہا کہ وزیراعظم عمران خان کے نزدیک ملکی مفاد ہر صورت مقدم ہے، قومی مفادات کو ذاتی مفاد پر ترجیح دینا ہر محب وطن کی ذمہ داری ہے۔