وفاقی حکومت کا بجلی کی قیمتوں میں اضافے کا فیصلہ

ثمرا مظہر

21st Jan, 2021. 08:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت کا بجلی کی قیمتوں میں اضافے کا فیصلہ

وفاقی حکومت کی جانب سے بجلی کی قیمتوں میں اضافے کا فیصلہ کرلیا گیا ہے۔

تفصیلات کے مطابق اسلام آباد میں پریس کانفرنس کے دوران وفاقی وزیر توانائی وزیر عمر ایوب کا کہنا تھا کہ سابقہ حکومت نے بارودی سرنگیں لگائی جس کا مطلب لازمی ادائیگیاں ہیں،ہم بجلی خرچ کریں یا نہ کریں ادائیگی کرنا ہوتی تھی۔

انہوں نے کہا کہ 2019 تک 227 ارب کی ادائیگی کرنا تھی جب کہ 2023 تک یہ لازمی ادائیگیاں 1455 ارب روپے ہو جائیں گی۔

وفاقی وزیر کا کہناتھا کہ مسلم لیگ (ن) کے غلط فیصلوں کی وجہ سے 2 روپے 18 پیسے اضافہ بنتا ہے۔ انہوں نے دانستہ طور پر بدنیتی کے تحت یہ سارے معاہدے کیے اور کارخانے لگائے، مشکل ترین دور میں پاور سیکٹر کو سبسڈی دی گئی۔

وزیر توانائی عمر ایوب نے کہا کہ ایک روپے 95 پیسے فی یونٹ بجلی مہنگی کرنے جا رہے ہیں، اضافے کے لیے نیپرا میں درخواست دے رہے ہیں،جب کہ ن لیگ کے غلط فیصلوں کی وجہ سے یہ اضافہ کئی گنا زیادہ بنتا ہے۔