مچھ میں پیش آنیوالے واقعے کی جتنی مذمت کی جائے کم ہے، عثمان بزدار

ثمرا مظہر

09th Jan, 2021. 01:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مچھ میں پیش آنیوالے واقعے کی جتنی مذمت کی جائے کم ہے، عثمان بزدار

وزیر اعلیٰ پنجاب عثمان بزدار کاکہنا ہے کہ مچھ میں پیش آنے والے اندوہناک واقعے کی جتنی بھی مذمت کی جائے کم ہے۔

تفصیلات کے مطابق عثمان بزدار کا کہناہے کہ سانحۂ مچھ کے شہداء کے لواحقین کے غم میں برابر کے شریک ہیں، ہماری تمام تر ہمدردیاں غمزدہ خاندانوں کے ساتھ ہیں۔

واضح رہے کہ سانحۂ مچھ میں جاں بحق ہونے والے کان کنوں کے ورثاء کے مطالبے پر وزیرِ اعظم عمران خان آج ایک روزہ دورے پر بلوچستان کے دارالخلافہ کوئٹہ جائیں گے۔

خیال رہے کہ حکومت بلوچستان کی جانب سے مچھ واقعہ میں ملوث ملزمان کی گرفتاری میں مدد دینے پر20لاکھ روپے انعام کا اعلان کردیا گیا ہے۔

کائونٹر ٹیررازم ڈیپارٹمنٹ پولیس کا کہناہے کہ تحصیل مچھ ڈسٹرکٹ بولان کے علاقے گشتری میں3 جنوری کو کان کنوں پر نامعلوم دہشتگردوں کے حملے میں 10بے گناہ کان کن جان بحق ہو گئے تھے جس کا مقدمہ سی ٹی ڈی نصیرآباد میں درج کرلیاگیاہے۔

واقعہ میں ملوث ملزمان کےگرفتاری کیلئے مدد کرنے والوں کیلئے حکومت بلوچستان نے 20لاکھ روپے انعام کا اعلان کیا ہے، صوبائی حکومت نے اعلان کیا ہے کہ مدد کرنے والے کانام صیغہ راز میں رکھاجائیگا۔