پاکستان شوبز انڈسٹری کے اداکار فیروز خان نے ہانیہ عامر کے ساتھ اپنے تعلق کی خبروں پر خاموشی توڑ دی۔

 تفصیلات کے مطابق اداکار فیروز خان نے بتایا کہ  جب میں نے اپنے اور ہانیہ عامر کے حوالے سے گردش کرنے والی افواہوں کے بارے میں پڑھا تو میں بہت پریشان ہوگیا تھا، کیونکہ ہمارے بھی جذبات ہوتے ہیں۔

مزید پڑھیں

اہلیہ سے علیحدگی اور ہانیہ عامر سے تعلق پر اداکار فیروز خان نے حقیقت بتادی

پاکستان شوبز انڈسٹری سے کنارہ کشی اختیار کرنے والے سابق اداکار فیروز...

یاد رہے کہ پچھلے ماہ اداکار فیروزخان اور اُن کی اہلیہ علیزے فاطمہ کے درمیان علیحدگی کی خبریں منظرعام پر آئی تھیں۔

 تاہم اُس کے بعد یہ خبریں بھی سوشل میڈیا پر گردش کر رہیں تھیں کہ  دونوں کی علیحدگی کے پیچھے اداکارہ ہانیہ عامر کا ہاتھ ہے۔

فیروز خان نے اپنے ایک انٹرویو کے ذریعے اپنے اور ہانیہ عامر کے تعلق سے متعلق افواہوں پر خاموشی توڑتے ہوئے اپنا موقف ظاہر کیا ہے۔

فیروز خان نے کہا کہ ان افواہوں کے پھیلنے کے بعد ہانیہ عامر نے مجھے فون کیا اور کہا کہ ’یہ سب کیا ہورہا ہے؟‘ جس پر میں نے اسے کہا مجھے خود نہیں معلوم یہ کیا چل رہا ہے۔

فیروزخان نے کہا مجھے اپنی اور ہانیہ کے درمیان ہونے والی باتوں کے اسکرین شاٹس لے کر تمام باتوں کو واضح کرنے میں صرف 30 سیکنڈز لگتے لیکن میں نے نہیں کیا۔

فیروز خان نے مزید کہا کہ مجھے یہ دیکھ کر بہت افسوس ہوا کہ بہت سے سینئر صحافی چند پیسوں کے لیے میرے اور ہانیہ کے معاملے پر فضول بات کررہے تھے۔

علاوہ ازیں یہاں تک کہہ رہے تھے کہ ڈرامے کے سیٹ پر کیا کیا ہوتا تھا ہمارے پاس سارے ثبوت ہیں۔

 فیروز خان نے کہا اس سارے معاملے نے مجھے مزید مضبوط بنایا ہے اورمزید طاقت دی ہے۔

واضح رہے کہ انٹرویو کے دوران فیروز خان نے اپنی اہلیہ کے ساتھ علیحدگی کے معاملے پر بات کرنے سے انکار کرتے ہوئے کہا کہ میں اپنی نجی زندگی کو خود تک ہی محدود رکھنا چاہتا ہوں اور اس بارے میں کوئی بات کرنا نہیں چاہتا۔