وزیراعظم نے پارٹی کے سینئر رہنماؤں کا اجلاس طلب کرلیا

شبین رضا

15th Feb, 2021. 01:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم نے پارٹی کے سینئر رہنماؤں کا اجلاس طلب کرلیا

وزیراعظم عمران خان نے پارٹی کے سینئر رہنماؤں کا اجلاس طلب کرلیا۔

ذرائع کے مطابق وزیراعظم کے زیر صدارت پارٹی کے سینئر رہنماؤں کے اجلاس میں سینیٹ الیکشن کی ٹکٹوں کے حوالے سے مشاورت ہوگی، حکومت مخالف تحریک سے نمٹنے کیلئے حکمت عملی پر بات چیت بھی ایجنڈے کا حصہ ہے۔

دوسری جانب وزیر اعظم کی زیر صدارت مہنگائی اور بنیادی اشیاء ضروریہ کی قیمتوں سے متعلق اجلاس آج ہو گا۔

ذرائع کے مطابق حکومتی معاشی ٹیم، وفاقی و صوبائی وزراء سمیت صوبائی اعلی حکام شریک ہوں گے۔

اشیاء کی قیمتوں میں کمی لانے کے حوالے سے اقدامات کا جائزہ لیا جائے گا۔

پنجاب اور خیبر پختونخوا میں نئی منڈیوں کے قیام میں پیش رفت سے آگاہ کیا جائے گا۔

ذرائع کے مطابق گندم کی خریداری اور فراہمی سے متعلق امور پر بھی غور ہوگا۔

وزیر خزانہ گندم خریداری، ترسیل اور سٹوریج سے متعلق پلان پیش کریں گے۔

ماہ رمضان میں اشیاء کی فراہمی، ترسیل اور قیمتوں سے متعلق حکمت عملی کا جائزہ بھی لیا جائے گا۔