پاکستان کرکٹ ٹیم نے جنوبی افریقہ کو قذافی اسٹیڈیم لاہور میں سیریز کے آخری ٹی ٹوئنٹی میچ میں شکست دے کرعالمی کرکٹ میں ایک اور اعزاز اپنے نام کر لیا۔

پاکستان کرکٹ ٹیم کی جنوبی افریقہ کے خلاف میچ میں یہ فتح ٹیم کی ٹی ٹوئنٹی میں 100ویں فتح ہے۔

پاکستانی ٹیم نے 163 انٹرنیشنل ٹی ٹوئنٹی میچز کھیل کر یہ اعزاز اپنے نام کیا۔

قومی ٹیم دنیا کی وہ واحد ٹیم ہے جس نے 100 ٹی ٹوئنٹی میچز جیتے ہیں جبکہ اب تک کوئی ٹیم یہ سنگِ میل عبور نہیں کر سکی ہے

Advertisement

Victory in Lahore brings up the 💯 for Pakistan@TheRealPCB are the first men’s team to reach a century of T20I wins pic.twitter.com/mBJ5RqClxh

— ICC (@ICC) February 14, 2021

پاکستان کے بعد سب سے زیادہ ٹی ٹوئنٹی میچز جیتنے والی ٹیم بھارت ہے جس نے اپنے 137 میچز میں سے 85 میچز جیتے ہوئے ہیں۔

قومی ٹیم کے ہیڈ کوچ مصباح الحق نے آن لائن پریس کانفرنس میں کہا کہ جنوبی افریقا کے خلاف سیریز جیت کر بہت خوشی ہے، جنوبی افریقا ٹیم نے اچھے کھیل کا مظاہرہ کیا۔

Advertisement

A 2-1 series win for @TheRealPCB

And 💯 T20I wins for the Pakistan men’s side

Report 👉 https://t.co/GYJWwTHmXq pic.twitter.com/XvzQqV9QBH

— ICC (@ICC) February 14, 2021

ان کا کہنا تھا کہ ٹیم پر کسی قسم کا دباؤ نہیں تھا، بابر اعظم کو بھی سیریز جیت کر کافی حوصلہ ملا، سینئرز کھلاڑی بھی ہماری پلاننگ میں شامل ہیں، ورلڈ کپ سے پہلے اچھی ٹیم تشکیل دی جائے گی۔