ویکسین آنے کے بعد امید ہے حج ادائیگی معمول کے مطابق ہوگی

ویکسین آنے کے بعد امید ہے حج ادائیگی معمول کے مطابق ہوگی، وزیرمذہبی امور

شبین رضا

12th Feb, 2021. 02:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویکسین آنے کے بعد امید ہے حج ادائیگی معمول کے مطابق ہوگی، وزیرمذہبی امور

وزیرمذہبی امورکا کہنا ہے کہ ویکسین آنے کے بعد امید ہے حج ادائیگی معمول کے مطابق ہوگی۔

تفصیلات کے مطابق وفاقی وزیر مذہبی امور نورالحق قادری نے ایک نجی ٹی وی کے پروگرام میں گفتگو کرتے ہوئے کہاکہ حج 2021 کے بارے میں سعودی عرب کی جانب سے واضح جواب کے منتظر ہیں، ویکسین آنے کے بعد امید ہے حج ادائیگی معمول کے مطابق ہوگی۔

انھوں نے بتایا کہ سعودی عرب اب بھی حجاج کرام سے حج کے لئے درخواستیں قبول نہیں کررہا ، امیدہے اگلے 5ماہ میں صورتحال بہترہوجائےگی۔

وفاقی وزیر نے بتایا کہ سعودی حکام کی جانب سے حج کے حوالے سے کوئی واضح احکام نہیں آئے اور نہ ابھی تک حج سے متعلق پاکستان کے ساتھ مفاہمت کی یادداشت پر دستخط کیے ہیں۔

ان کا کہنا تھا کہ ہم جانتے ہیں کہ لوگ اس سال حج کے امکان سے پریشان ہیں ، اس سلسلے میں سعودی عرب کے حکام سے مستقل رابطے میں ہیں۔

واضح رہےکہ اس سال عازمین حج کے لیے کورونا ویکسین لازمی قرار دے دی گئی ہے۔

پاکستان سے اس سال 2 لاکھ کے قریب افراد حج کی سعادت حاصل کر سکیں گے، عازمین حج کےلیے کورونا ویکسین لازمی ہے۔

عازمین کو ویکسین لگانے کے لئے بڑے شہروں میں ویکسینیشن سینٹرز بنائے جائیں گے،جہاں عازمین کی کورونا سمیت دیگر بیماریوں سے بچاؤ کے انجیکشن اور ویکسی نیشن کی جائے گی۔