پاکستان کرکٹ بورڈ کے چیف ایگزیکٹو آفیسر وسیم خان نے کہا ہے کہ پاکستان سپرلیگ کی افتتاحی تقریب گراؤنڈ میں نہیں رکھی، افتتاحی تقریب کی ویڈیو کوئٹہ اور استبول میں شوٹ ہورہی ہے۔

وسیم خان نے میڈیا سے گفتگو کرتے ہوئے کہا کہ پراڈکشن اور دیگر ضروریات کو دیکھ کر استبول میں شوٹ جاری ہے۔

انہوں نے کہا کہ پی ایس ۲ایل کی تیاریاں جاری ہیں، میچز کے ٹکٹوں کی فروخت پیر سے شروع ہورہی ہے، پی ایس ایل کا ترانہ کسی کو پسند ہے کسی کو نہیں،  پی ایس ایل شروع ہونے دیں سب ٹھیک ہو جائے گا۔

وسیم خان کا کہنا تھا کہ پی ایس ایل کی افتتاحی تقریب کی ریکارڈنگ کوئٹہ میں بھی کی ہے، ٹیکنیکیشنز اور پروڈوکشن کی وجہ سے بیرون ملک گئے، ہماری پروڈکشن بھی بہتر ہوگی تو یہاں بھی ریکارڈنگز ہوں گی۔

انہوں نے کہا کہ ریجنز کی کمیٹیوں کا اعلان جلد ہوگا جبکہ گورننگ بورڈ کا اجلاس  27 فروری کو کراچی میں ہوگا۔

وسیم خان نے مزید کہا کہ آسٹریلیا کی ٹیم اگلے برس مکمل سیریز کے لئے آئے گی اس سے قبل وہ صورتحال کا جائزہ لیں گے،اب سیکورٹی کا ایشو نہیں رہا اب کوویڈ 19 بڑا مسئلہ ہے۔

پی سی بی کے چیف ایگزیکٹو آفیسر نے مزید کہا کہ آئی سی سی کے ایونٹس کا فیصلہ اکتوبر نومبر تک ہوگا، کرکٹ کمیٹی کا اجلاس بھی دو ہفتے تک ہوگا جس میں مینز اور ویمنز ٹیموں کی کارکردگی کا جائزہ لیا جائے گا۔

انہوں نے مزید کہا کہ گورننگ باڈی کا اجلاس بھی رواں ماہ بلایا ہے جس میں ڈومیسٹک کرکٹ کے اہم فیصلے ہونگے۔