حلیم عادل شیخ کو عدالت پہنچا دیا گیا

شبین رضا

17th Feb, 2021. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حلیم عادل شیخ کو عدالت پہنچا دیا گیا

اپوزیشن لیڈر سندھ اسمبلی حلیم عادل شیخ کو انسداددہشت گردی عدالت پہنچا دیا گیا۔

تفصیلات کے مطابق پی ٹی آئی رہنما اور دیگر کے خلاف دہشتگردی دفعات کے تحت چار مقدمات درج ہیں، ان پر ضمنی الیکشن کے دوران کارسرکار میں مداخلت، ہنگامہ آرائی اور ہوائی فائرنگ کا الزام ہے۔

ذرائع کے مطابق ایم پی اے حلیم عادل شیخ اور ان کے ساتھیوں پر سرکار کی مدعیت میں چار مقدمات میمن گوٹھ تھانے میں درج کرلیے گئے۔

مقدمات دہشتگردی، کار سرکار میں مداخلت، ہوائی فائرنگ اور ہنگامہ آرائی کی دفعات کے تحت درج کیے گئے ہیں۔

مقدموں میں حلیم عادل شیخ اور ان کے گارڈز کو نامزد کیا گیا ہے۔

مقدمے کے متن کے مطابق غلام حسین جوکھیو گوٹھ کے پولنگ سٹیشن میں پولیس کو جھگڑے کی اطلاع ملی، پولیس نے موقع پر پہنچ کر دیکھا کہ حلیم عادل شیخ کیساتھ 40 سے 50 لوگ ہنگامہ آرائی کر رہے تھے۔

حلیم عادل شیخ کی ہدایت پر فائرنگ کی گئی جس سے بھگدڑ مچی اور پولیس موبائل پر ڈنڈے مار کر گاڑی کو نقصان پہنچایا گیا۔

واضح رہےکہ گرفتار ملزمان میں حلیم عادل سمیت سیکیورٹی گارڈز رمضان، غلام مصطفی، محمود بھی شامل ہیں۔